धक्कादायक! महाराष्ट्रातील ‘या’ शहरामध्ये शेकडो मतदार ओळखपत्र रस्त्यावर सापडले

0
4

 

महाराष्ट्रातील कल्याणमधील शीळ रोडवर बुधवारी शेकडो मतदार ओळखपत्रे सापडल्यानंतर खळबळ उडाली आहे. स्थानिक लोकांनी मतदार ओळखपत्र पाहिल्यानंतर लगेचच मानपाडा पोलिसांना माहिती दिली. पोलिसांनी घटनास्थळ गाठून सर्व मतदार ओळखपत्रे ताब्यात घेऊन तपास सुरू केला. पोलिसांच्या म्हणण्यानुसार, मतदार ओळखपत्र तेथे कसे पोहोचले हे स्पष्ट झालेले नाही. ही घटना निवडणूक प्रक्रियेतील गंभीर निष्काळजीपणा किंवा फसवणूक दर्शवू शकते.

या घटनेबाबत स्थानिक नागरिकांनी चिंता व्यक्त करत योग्य तपासाची मागणी केली आहे. त्याचवेळी निवडणूक आयोगानेही हे प्रकरण गांभीर्याने घेत चौकशीचे आदेश दिले आहेत. दोषींवर कठोर कारवाई केली जाईल, असे ते म्हणाले.

या घटनेने शहरात राजकीय आणि सामाजिक चर्चेला उधाण आले असून, लोकांनी निवडणूक प्रक्रियेच्या सुरक्षेवर प्रश्न उपस्थित केले आहेत. मानपाडा पोलिस ठाण्याचे वरिष्ठ पोलिस निरीक्षक विजय कबदाणे यांनी सांगितले की, अनेकांची मतदार ओळखपत्रे सापडली असून पुढील तपास सुरू आहे.
ही मतदार पत्रे कोणाची आहे आणि तिथे कशी पोहोचली अद्याप हे कळू शकले नाही. काही स्थानिक रहिवास्यांनी हे राजकीय षड्यंत्राचा भाग असण्याची शक्यता वर्तवली आहे. तर काही शासकीय निष्काळजीचा परिणाम असल्याचे म्हणत आहे.

सदर घटनेमुळे शहरातील जनतेला आपली मतदान माहिती किती सुरक्षित आहे हे विचार करायला लावणारे आहे. निवडणूक आयोगाने योग्य ती काळजी घ्यावी आणि मतदार ओळखपत्रांच्या सुरक्षेची व्यवस्था वाढवण्याची मागणी केली आहे. पोलीस या प्रकरणाचा तपास करत आहे.

LEAVE A REPLY

Please enter your comment!
Please enter your name here