पंतप्रधान नरेंद्र मोदी आज करणार किसान सन्मान निधीचा 17 वा हप्ता जाहीर ;असे चेक करा तुमचे नाव

0
8

सलग तिसऱ्यांदा पंतप्रधान झाल्यानंतर नरेंद्र मोदी मंगळवारी पहिल्यांदाच त्यांचा लोकसभा मतदारसंघ वाराणसी येथे पोहोचणार आहेत. पीएम मोदी किसान सन्मान संमेलनात सहभागी होणार आहेत. दरम्यान, 9.26 कोटी लाभार्थी शेतकऱ्यांना सन्मान निधीचा 17 वा हप्ता म्हणून 20,000 कोटी रुपयांहून अधिक रक्कम जारी करणार आहे. ते 17 व्या हप्त्यातील 2000 रुपये DBT द्वारे देशातील 9.3 कोटींहून अधिक शेतकऱ्यांच्या खात्यात हस्तांतरित करतील. परिषदेदरम्यानच पंतप्रधान मोदी बचतगटातील 30,000 हून अधिक महिलांना कृषी सखी प्रमाणपत्रेही देणार आहेत.

2019 मध्ये सुरू झालेल्या पीएम-किसान योजनेच्या 17 व्या हप्त्याचे पैसे थेट लाभ हस्तांतरण (DBT) द्वारे लाभार्थी शेतकऱ्यांच्या खात्यात जमा केले जातात. या अंतर्गत, लाभार्थी शेतकऱ्यांना त्यांच्या आर्थिक गरजा पूर्ण करण्यासाठी तीन समान हप्त्यांमध्ये वार्षिक 6,000 रुपये मिळतात.केंद्र सरकारने देशभरातील 11 कोटींहून अधिक शेतकऱ्यांना 3.04 लाख कोटी रुपयांहून अधिक रक्कम वितरित केली आहे.

ज्या शेतकऱ्यांची नावे पीएम किसान योजनेच्या यादीत नोंदवली गेली आहेत, त्यांच्या खात्यावर पैसे हस्तांतरित केले जातील. यादीत त्यांचे नाव तपासण्यासाठी शेतकऱ्यांना पीएम किसान योजनेच्या अधिकृत वेबसाइटला भेट द्यावी लागेल.

पीएम किसान योजनेच्या 17 व्या हप्त्याची त्यांच्या खात्यातील स्थिती तपासण्यासाठी, लाभार्थी शेतकऱ्यांना प्रथम प्रधानमंत्री किसान सन्मान निधी योजनेच्या अधिकृत वेबसाइटला भेट द्यावी लागेल – https://pmkisan.gov.in/. या संकेत स्थळावर क्लिक करा.
यानंतर तुमच्यासमोर पीएम किसान योजनेचे ऑनलाइन पोर्टल उघडेल.
येथे तुम्ही होमपेजवर ‘नो युवर स्टेटस’ या पर्यायावर क्लिक करा.
आता तुमच्या समोर एक पेज उघडेल, जिथे तुम्ही तुमचा रजिस्ट्रेशन नंबर, मोबाईल नंबर आणि कॅप्चा आणि OTP टाका.
यानंतर तुम्ही तुमच्या पंतप्रधान किसान सन्मान निधी योजनेच्या लाभार्थीची स्थिती पाहू शकता.

पीएम किसान योजनेत नावांच्या यादीत आपले नाव तपासण्यासाठी
सर्वप्रथम पीएम किसान पोर्टलला भेट द्या.
आता मुख्यपृष्ठावरील शेतकरी कॉर्नर विभागात लाभार्थी यादी पर्यायावर क्लिक करा.
यानंतर, तुमच्या समोर एक नवीन पेज उघडेल, जिथे तुम्ही राज्य, जिल्हा, तहसील, ब्लॉक आणि गाव यासारखे काही मूलभूत तपशील निवडा
सर्व माहिती भरल्यानंतर आता Get Report पर्यायावर क्लिक करा.
त्यानंतर त्या गावाची लाभार्थी यादी तुमच्यासमोर येईल आणि त्यात तुमचे नाव आहे की नाही ते तुम्ही तपासू शकता.
जर तुमचे नाव या यादीत नसेल, तर तुम्ही पीएम किसान हेल्पलाइनशी संपर्क साधून माहिती मिळवू शकता.

LEAVE A REPLY

Please enter your comment!
Please enter your name here