शिखर बँक घोटाळा प्रकरणी सुनवणी पाहणाऱ्या न्यायाधीशांची तडकाफडकी बदली

0
4

माणदेश एक्सप्रेस न्युज : मुंबई : मुंबई विशेष सत्र न्यायालयाचे न्यायाधीश राहुल रोकडे यांची तडकाफडकी बदली करण्यात आली आहे. उपमुख्यमंत्री अजित पवार यांच्याशी निगडित २५ हजार कोटी रुपयांचा शिखर बँक घोटाळा प्रकरणातील निकाल रोकडे हे सुनावणार होते. येत्या १२ तारखेला या प्रकरणाची सुनावणी होणार होती. मात्र, त्याआधीच त्यांची मुंबई सत्र न्यायालयातून दिंडोशी सत्र न्यायालयात बदली करण्यात आली आहे.

न्या. राहुल रोकडे यांच्यासमोर सत्ताधारी आमदार आणि मंत्र्यांविरोधातील अनेक खटल्यांची सुनावणी सुरू होती. यात मंत्री छगन भुजबळ यांच्याशी संबधित महाराष्ट्र सदन घोटाळा, एकनाथ खडसे यांच्यावर आरोप असलेला भोसरी भूखंड घोटाळा तसेच अजित पवार यांच्याशी शिखर बँक घोटाळा यासारख्या खटल्यांचा समावेश होता.

तसेच अमरावतीच्या माजी खासदार नवनीत राणा आणि रवी राणा या दाम्पत्याविरोधातील हनुमान चालिसा पठणचा खटलाही त्यांच्याच कोर्टात सुरू आहे. यातील बहुतांश खटले अंतिम टप्प्यात आले आहेत. मात्र, निकालाआधीच रोकडे यांची बदली करण्यात आली आहे.
काही दिवसांपूर्वी न्यायाधीश रोकडे यांनी विधानसभा अध्यक्ष राहुल नार्वेकर यांना ३ हजार रुपयांचा दंड ठोठावला होता. तर राज्य मध्यवर्ती ग्रंथालय घोटाळ्यात मंत्री छगन भुजबळ यांना अटक वॉरंटचा इशारा दिला होता. आता मुंबई सत्र न्यायालयातून बदली झाल्यानंतर न्यायाधीश रोकडे हे येत्या सोमवारी दिंडोशी येथील पदभार स्वीकारणार आहेत.

LEAVE A REPLY

Please enter your comment!
Please enter your name here