2024 ICC T20 विश्वचषक फायनलमध्ये दक्षिण आफ्रिकेचा पराभव करून आणि ट्रॉफी जिंकल्यानंतर भारतीय क्रिकेट संघ आज आपल्या देशात परतला आहे. 29 जून रोजी पुरुषांचा T20 विश्वचषक जिंकणारा विजयी संघ गुरुवारी सकाळी नवी दिल्लीच्या IGI विमानतळावर पोहोचला. जिथे आधीच जमलेल्या शेकडो चाहत्यांनी भारतीय खेळाडूंचे जल्लोषात स्वागत केले. रोहित शर्माच्या नेतृत्वाखालील संघाने शनिवारी केनसिंग्टन ओव्हलवर झालेल्या रोमहर्षक फायनलमध्ये दक्षिण आफ्रिकेचा सात धावांनी पराभव करून दुसऱ्यांदा टी-२० विश्वचषक जिंकला. पण बेरील वादळामुळे त्यांना घरी परतण्यास उशीर झाला.
बीसीसीआयने संघासाठी खास चार्टर्ड एअर इंडिया फ्लाइटची व्यवस्था केली. नेवार्क, न्यू जर्सी येथून बोईंग 777 उड्डाण बुधवारी पहाटे ब्रिजटाऊन येथील ग्रँटली ॲडम्स आंतरराष्ट्रीय विमानतळावर पोहोचले. यानंतर, भारतीय संघाचे सपोर्ट स्टाफ, खेळाडूंचे कुटुंबीय, बीसीसीआयचे अधिकारी आणि 22 प्रवासी माध्यमांना घेऊन विशेष विमान ब्रिजटाऊन येथून स्थानिक वेळेनुसार पहाटे 4:50 वाजता निघाले.
चाहत्यांनी केले टीम इंडियाचे स्वागत
नवी दिल्लीत उतरल्यानंतर, T20 विश्वचषक विजेता संघ ITC मौर्या हॉटेलला रवाना झाले आणि त्यानंतर पंतप्रधान नरेंद्र मोदी यांची भेट घेणार आहे. विजेता भारतीय संघ नवी दिल्लीहून दुपारी २ वाजता उड्डाण करेल आणि ४ वाजता मुंबईला पोहोचेल.
मुंबईत, विजेता संघ नॅशनल सेंटर फॉर परफॉर्मिंग आर्ट्स (NPCA) च्या खुल्या बसमध्ये चढेल आणि संध्याकाळी 5 ते 7 या वेळेत विजयी परेडमध्ये सहभागी होईल. विजय परेड मरीन ड्राइव्हवरून पुढे वानखेडे स्टेडियमवर संपेल. यावेळी चाहत्यांना त्यांच्या आवडत्या खेळाडूंची झलक पाहायला मिळणार आहे.
यानंतर वानखेडे स्टेडियमवर संध्याकाळी 7 ते 7:30 या वेळेत विजयी भारतीय संघाच्या सन्मानार्थ एका छोटेखानी समारंभाचे आयोजन केले जाईल, त्यानंतर खेळाडू हॉटेलमध्ये जातील.
टीम इंडिया मायदेशी परतली:
व्हिडिओ पहा:
#WATCH | Men's Indian Cricket Team waves at supporters gathered at Delhi airport to welcome the winning team.
India defeated South Africa by 7 runs on June 29, in Barbados. pic.twitter.com/7aqRL2ycpA
— ANI (@ANI) July 4, 2024
#WATCH | Delhi: Supporters gather at the airport to welcome Men's Indian Cricket Team.
Team India has arrived at Delhi Airport after winning the #T20WorldCup2024 trophy. pic.twitter.com/XYB1N2CdbE
— ANI (@ANI) July 4, 2024
