शाळकरी विद्यार्थ्याचा शाळेत पायी जात असताना हृदयविकाराच्या झटक्याने झाला मृत्यू; घटना सीसीटीव्हीत कैद

0
111

राजस्थानमधील दौसा येथे दहावीत शिकणाऱ्या विद्यार्थ्याचा शाळेत पायी जात असताना अचानक खाली पडून मृत्यू झाला. ही संपूर्ण घटना सीसीटीव्हीत कैद झाली आहे. जमिनीवर पडल्यानंतर विद्यार्थ्याला रुग्णालयात नेण्यात आले, मात्र डॉक्टरांनी त्याला मृत घोषित केले, बांदीकुईजवळील पंडितपुरा गावातील ज्योतिबा फुले शासकीय उच्च माध्यमिक विद्यालयात शिकणारा विद्यार्थी पायी चालत असतांना अचानक ही घटना घडली. तो दहावीचा विद्यार्थी होता. हा विद्यार्थी पाठीवर दप्तर घेऊन शाळेत पोहोचला होता. तो वर्गात जाणार इतक्यात गॅलरीत बेशुद्ध पडला. विद्यार्थी बेशुद्ध झाल्याने शाळेत एकच खळबळ उडाली. शाळेच्या कर्मचाऱ्यांनी त्याला तात्काळ बंदिकुई रुग्णालयात पाठवले, मात्र रुग्णालयात पोहोचण्यापूर्वीच त्याचा मृत्यू झाला होता. विद्यार्थ्याच्या अकस्मात मृत्यूने कुटुंबीयांमध्ये खळबळ उडाली आहे.

पोलिसांनी सांगितले की, राजस्थानच्या दौसा जिल्ह्यात दहावीच्या विद्यार्थ्याचा हृदयविकाराच्या झटक्याने मृत्यू झाला. बांदीकुई पोलिस स्टेशनचे अधिकारी प्रेम चंद यांनी सांगितले की, शनिवारी सकाळी दौसा जिल्ह्यातील बांदिकुई शहरात ही घटना घडली, जेव्हा खाजगी शाळेचा विद्यार्थी यतेंद्र उपाध्याय (१६) हा कॉरिडॉरमध्ये बेशुद्ध पडला. ते म्हणाले की, शाळा प्रशासनाने विद्यार्थ्याला जवळच्या रुग्णालयात नेले जेथे डॉक्टरांनी त्याला मृत घोषित केले. त्याने सांगितले की, यतेंद्रने 5 जुलै रोजी वाढदिवस साजरा केला होता. त्यानुसार त्याच्यावर हृदयविकाराशी संबंधित उपचार सुरू होते.

पहा व्हिडीओ:

LEAVE A REPLY

Please enter your comment!
Please enter your name here