
माणदेश एक्सप्रेस न्युज : मुंबई : राज्यातील पालकमंत्री पदाचे वाटप आज जाहीर करण्यात आले आहे. यामध्ये मुख्यमंत्री देवेंद्र फडणवीस यांच्याकडे गडचिरोली जिल्ह्याचं पालकमंत्रिपद असणार आहे. तसेच उपमुख्यमंत्री एकनाथ शिंदे यांच्याकडे ठाणे आणि मुंबई शहरचं पालकमंत्रिपद असणार आहेत. तसेच उपमुख्यमंत्री अजित पवार यांच्याकडे पुणे जिल्हा आणि बीड जिल्ह्याचं पालकमंत्रिपद देण्यात आलं आहे.
धनंजय मुंडे यांना धक्का
बीड जिल्ह्यातील मस्साजोग गावचे सरपंच संतोष देशमुख हत्या प्रकरण वरून धनंजय मुंडे यांना पालकमंत्रिपद देण्यास बीड जिल्ह्यातील आमदारांनी विरोध केला होता. त्यानंतर आता बीड जिल्ह्याचं पालकमंत्रिपद अजित पवार यांच्याकडे देण्यात आलं आहे. तसेच मंत्री धनंजय मुंडे यांना या पालकमंत्रिपदाच्या यादीतून वगळण्यात आलं आहे. धनंजय मुंडे यांना कोणत्याही जिल्ह्याचं पालकमंत्रिपद देण्यात आलेलं नाही. त्यामुळे त्यांच्यासाठी हा धक्का मानला जात आहे.
भरतशेठ गोगावले यांना देखील धक्का
रायगड जिल्ह्याच्या पालकमंत्रिपदावरून राष्ट्रवादी आणि शिवसेना शिंदे गटात मोठी रस्सीखेच सुरु होती. भरत गोगावले यांनी रायगड जिल्ह्याचं पालकमंत्रिपद मिळावं, यासाठी आग्रही होते. याबाबत त्यांनी अनेकदा अपेक्षाही बोलून दाखवल्या होत्या. मात्र, रायगडच्या पालकमंत्रिपदाची जबाबदारी आदिती तटकरे यांच्याकडे देण्यात आली आहे.
कोणत्या जिल्ह्याचं पालकमंत्रिपद कोणाकडे?
क्र. जिल्हा पालकमंत्रिपद
१ गडचिरोली-मुख्यमंत्री देवेंद्र फडणवीस व सह.आशिष जयस्वाल
२ ठाणे, मुंबई शहर-उपमुख्यमंत्री एकनाथ शिंदे
३ पुणे, बीड-उपमुख्यमंत्री अजित पवार
४ नागपूर, अमरावती-चंद्रशेखर बावनकुळे
५ अहिल्यानगर-राधाकृष्ण विखे पाटील
६ नाशिक-गिरीश महाजन
७ वाशिम-हसन मुश्रीफ
८ सांगली-चंद्रकांत पाटील
९ जळगाव-गुलाबराव पाटील
१० यवतमाळ-संजय राठोड
११ मुंबई उपनगर-आशिष शेलार व सह.मंगलप्रभात लोढा
१२ रत्नागिरी-उदय सामंत
१३ धुळे-जयकुमार रावल
१४ जालना-पंकजा मुंडे
१५ नांदेड-अतुल सावे
१६ चंद्रपूर-अशोक ऊईके
१७ सातारा-शंभुराजे देसाई
१८ रायगड-अदिती तटकरे
१९ सिंधुदुर्ग-नितेश राणे
२० लातूर-शिवेंद्रसिंहराजे भोसले
२१ नंदुरबार-माणिकराव कोकाटे
२२ सोलापूर-जयकुमार गोरे
२३ हिंगोली-नरहरी झिरवाळ
२४ भंडारा-संजय सावकारे
२५ छत्रपती संभाजीनगर-संजय शिरसाट
२६ धाराशीव-प्रताप सरनाईक
२७ बुलढाणा-मकरंद जाधव
२८ अकोला-आकाश फुंडकर
२९ गोंदिया-बाबासाहेब पाटील
३० कोल्हापूर-प्रकाश आबिटकर, सह, माधुरी मिसाळ
३१ वर्धा-पंकज भोयर
३२ परभणी-मेघना बोर्डीकर
३३ पालघर-गणेश नाईक