बेंगळुरू च्या कोरमंगला येथे पेइंग गेस्ट (PG) निवासस्थानी राहणाऱ्या बिहार मधील 22 वर्षीय तरुणीची निर्घृण हत्या करण्यात आली. या घटनेचा व्हिडिओ समोर आले आहे. ही घटना मंगळवारी रात्री 11.10 च्या दरम्यान घडली. एका अज्ञात व्यक्तीने चाकू घेऊन पीजीमध्ये प्रवेश केला. घटनेच्या सीसीटीव्ही फुटेजमध्ये आरोपी हातात पिशवी घेऊन येताना आणि पीडितेचा दरवाजा ठोठावताना दिसत आहे.
व्हिडिओमध्ये आरोपी दरवाजा उघडून खोलीत शिरला. काही सेकंदांनंतर पीडित मुलगी आणि आरोपी पुन्हा फ्रेममध्ये दिसतात. पीडित मुलगी आरोपीच्या तावडीतून सुटण्यासाठी आक्रोश करताना दिसत आहे. वृत्तानुसार, हल्लेखोर हा तरुणीच्या ओळखीचा कोणीतरी असावा असा पोलिसांचा अंदाज आहे. याप्रकरणी कोरमंगळा पोलिस ठाण्यात गुन्हा दाखल करण्यात आला आहे.
कृती कुमारी असे पीडित तरुणीचे नाव असून ती एका खासगी कंपनीत काम करत होती. कृती कोरमंगला येथील व्हीआर लेआउटमध्ये राहात होती. या जीवघेण्या घटनेची माहिती मिळताच कोरमंगळा पोलिसांनी घटनास्थळी धाव घेत घटनास्थळाचा पंचनामा केला. या निर्घृण हत्येला 48 तासांहून अधिक काळ लोटला असला तरी अद्याप आरोपीला अटक करण्यात पोलिसांना यश आलेले नाही.
तथारी, सीसीटीव्ही फुटेजच्या आधारे पोलीस आरोपींचा शोध घेत आहेत. पोलिसांना मुलीच्या ओळखीच्या कोणीतरी तिचा खून केल्याचा संशय आहे. डीसीपी सारा फातिमा यांनी सांगितले की, एका आरोपीने मुलीच्या वसतिगृहात घुसून तिचा गळा चिरला. या घटनेनंतर मुलीचा जागीच मृत्यू झाला. तरुणीच्या हत्येमागील कारणाचा पोलीस तपास करत आहेत. आरोपीची ओळख पटली आहे. आता त्याचा शोध घेण्याचे प्रयत्न सुरू आहेत.
पहा व्हीडीओ:
#CCTV footage surfaces ⚠️ #BengaluruShocker
The assailant broke in and slit her throat late Tuesday night between 11:10 and 11:30 PM.
The attacker entered the PG armed with a knife. Kriti was killed instantly near her room on the third floor.
Koramangala police believe the… https://t.co/qH8s3BSDPd pic.twitter.com/7EuwmEEk0Y
— Sneha Mordani (@snehamordani) July 26, 2024
