जलपरीच्या ड्रेस परफॉर्म करत असलेल्या एका रशियन तरूणीसोबत घडलेल्या धक्कादायक घटनेचा व्हिडीओ सोशल मीडियावर व्हायरल झाला आहे. ही महिला जलपरीचा ड्रेस घालून अॅ्क्वेरिअममध्ये डान्स करत होती. तेव्हाच अचानक एका मोठ्या मास्यानं तिच्यावर हल्ला केला. जे बघून तिथे उपस्थित लोक हैराण झाले. सुदैवानं तरूणीला फार काही होत नाही.
तिथे अनेक प्रेक्षकही उपस्थित होते. तरूणी परफॉर्म करत असताना अचानक एक मोठा मासा तिथे आला आणि तिच्या हल्ला केला. तरूणी घाबरली, पण तिने हिंमत दाखवत आपलं डोकं मास्याच्या तोंडातून सोडवलं. साधारण ६ सेकंदाची ही क्लीप इथेच संपते. हा व्हिडीओ पाहून लोकांना धक्का बसला. यूजर्सनी व्हिडिओवर वेगवेगळ्या प्रतिक्रिया दिल्या आहेत.
