मेष – आज तुमच्या वडिलधाऱ्यांच्या आशीर्वादाने तुम्हाला एखादी मौल्यवान वस्तू मिळेल ज्याची तुम्हाला खूप दिवसांपासून इच्छा होती. त्यामुळे आजचा दिवस तुमच्यासाठी मौल्यवान वस्तू मिळणारा असेल. आज तुम्ही तुमच्या जोडीदारासाठी एखादा नवीन व्यवसाय सुरू करू शकता.आज जर तुमचा तुमच्या सासरच्या लोकांशी वाद होत असेल तर तो संपेल. आज तुम्हाला सरकारी क्षेत्रातूनही लाभ मिळण्याची शक्यता आहे.
वृषभ -आज तुम्हाला तुमच्या आरोग्याबाबत जागरूक राहावे लागेल. जास्त धावपळ केल्यामुळे तुमचे तुमच्या आरोग्याकडे दुर्लक्ष होईल. यामुळे काही आजार तुम्हाला जडू शकतात त्यामुळे आरोग्याविषयी आज थोडे सावध राहावे लागेल. आज तुम्ही तुमच्या मानसिक समस्या तुमच्या कुटुंबातील वडीलधाऱ्या व्यक्तींना सांगाल जे तुम्हाला तुमच्या त्या समस्यांचे निराकरण देखील देतील. नोकरीच्या शोधात असलेल्या लोकांना आज नवीन संधी मिळू शकते ज्यामुळे त्यांची आर्थिक स्थिती मजबूत होईल.
मिथुन – सामाजिक क्षेत्रात काम करणाऱ्या लोकांसाठी आजचा दिवस चांगला जाणार आहे. आज तुम्ही केलेल्या कामाचे कौतुक होईल. आज तुमच्या कुटुंबातील एखाद्या सदस्याकडून मदत न मिळाल्याने तुम्ही थोडे चिंतेत असाल.मात्र आज तुम्हाला तुमच्या व्यवसायातील काही शत्रूंपासून सावध राहावे लागेल कारण ते आज तुमचा विश्वासघात करू शकतात. आज संध्याकाळी तुम्ही तुमच्या घरी पूजा, हवन, कीर्तन करू शकता. आज तुम्ही तुमच्या व्यवसायात होणाऱ्या तोट्यामुळे थोडे नाराज असाल.
कर्क – राजकीय क्षेत्रात काम करणाऱ्यांसाठी आजचा दिवस चांगला आहे. राजकीय क्षेत्रात काम करणाऱ्या लोकांना आज केलेल्या कामाचा पुरेपूर लाभ मिळेल. प्रेम संबंधात असणारे लोक आज आपल्या पार्टनरला सरप्राईज देऊ शकतात. ज्यामध्ये ते आपल्या जोडीदारासाठी पार्टीचे आयोजन देखील करू शकतात.आज सरकारी नोकऱ्यांशी संबंधित लोक एखाद्या महिला सहकाऱ्यासोबत अडचणीत आले तर त्यांचे प्रमोशन थांबू शकते त्यामुळे काळजी घ्या. आज तुम्हाला तुमच्या कामाच्या ठिकाणी असलेले काही शत्रू ओळखावे लागतील आणि त्यांच्यापासून सावध राहावे लागेल.
सिंह – आज तुम्हाला तुमच्या पालकांकडून एखादी चांगली बातमी ऐकायला मिळू शकते ज्यामुळे तुमच्या आजूबाजूचे वातावरण प्रसन्न होईल. आज जर तुम्ही कुटुंबातील सदस्याच्या लग्नाशी संबंधित कोणताही निर्णय घेत असाल तर नक्कीच कुटुंबातील सर्व सदस्यांचा सल्ला घ्या अन्यथा भविष्यात तुम्हाला तुमच्या निर्णयाबद्दल पश्चाताप करावे लागेल. जर तुम्ही भागीदारीत एखादा व्यवसाय केला असेल तर त्याचा तुम्हाला भविष्यात चांगला नफा होऊ शकतो. तुम्ही आज संध्याकाळी तुमच्या मित्रांसोबत बाहेर फिरायला जायचा प्लॅन करु शकता.
कन्या – आजचा दिवस तुमच्यासाठी संमिश्र परिणाम देणारा असेल.आज तुम्हाला तुमच्या व्यवसायासाठी तोंडात साखर ठेवून अगदी गोड बोलण्याची कला आत्मसात करावी लागेल तरच तुम्ही तुमच्या व्यवसायात भरपूर नफा कमवू शकाल. आज जर तुम्हाला तुमच्या घरी किंवा ऑफिसमध्ये कोणी काही बोलले तर मनाला गोष्टी लावून घेऊ नका तिथल्या तिथे गोष्टी गोड बोलून सोडून द्या. आज तुम्हाला तुमचे पैसे कोणाच्याही प्रभावाखाली गुंतवणे टाळावे लागेल अन्यथा तुमचे पैसे बुडू शकतात.
तुळ – आजचा दिवस तुमच्यासाठी प्रत्येक कामात सकारात्मक परिणाम देणारा असेल. ज्यांना शिक्षणासाठी परदेशात जायचे आहे त्यांच्यासाठी आज चांगली संधी येऊ शकते ज्यामुळे तुमच्या शिक्षणात येणाऱ्या अडचणी दूर होतील. तुमच्या वडिलांना आरोग्याशी संबंधित काही समस्या असल्यास आज त्यांच्या आरोग्याच्या समस्या वाढू शकतात. त्यामुळे वैद्यकीय सल्ला जरूर घ्या. आज तुम्ही तुमच्या व्यवसायात थोडा बदल करण्याचा विचार कराल ज्याचा तुम्हाला भविष्यात नक्कीच फायदा होईल.
वृश्चिक -आजचा दिवस तुमच्यासाठी आनंद, सुख-समृद्धीने भरलेला असेल. नोकरीच्या ठिकाणी तुम्ही केलेल्या कामाचे कौतुक होईल त्यामुळे तुमचे शत्रूही आज मित्र बनताना दिसतील. मात्र तुम्ही त्यांच्या गोड बोलण्याला भुलू नका नोकरीतील शत्रूंशी चार हात लांब रहा. आज तुम्ही तुमच्या भावा-बहिणींसोबत कुटुंबातील एखाद्या शुभ कार्याच्या तयारीसाठी मेहनत कराल. प्रेमसंबंधात असणाऱ्या लोकांनी अद्याप त्यांच्या जोडीदाराची त्यांच्या कुटुंबातील सदस्यांशी ओळख करून दिली नसेल तर ते आज त्यांची ओळख करून देऊ शकतात.
धनु – आजचा दिवस तुमच्यासाठी इतर दिवसांपेक्षा चांगला जाणार आहे. आज तुम्हाला व्यवसायात दिवसभर लाभाच्या संधी मिळतील. त्यामुळे तुम्ही आनंदी व्हाल आणि तुमची आर्थिक स्थिती देखील मजबूत होईल. आज तुमच्या मुलांना चांगले काम करताना पाहून तुम्हाला आनंद होईल. आज संध्याकाळी तुमचे मन एखाद्या चिंतेने व्याकूळ होईल मात्र ती चिंता व्यर्थ असेल.आज तुम्ही तुमच्या जोडीदारासाठी भेटवस्तू आणू शकता ज्यामुळे तुमच्या दोघांमधील बॉण्ड अधिक घट्ट होईल.
मकर – आज तुम्हाला तुमच्या भविष्याबद्दल थोडी काळजी वाटेल. कामाच्या ठिकाणी तुमच्याकडून आज काही चुका होऊ शकतात त्यामुळे वरिष्ठांच्या रोषाला सामोरे जावे लागू शकते. या प्रकरणात तुम्हाला तुमच्या जवळच्या व्यक्तीचा सल्ला घेऊन चिंतेतून बाहेर पडावे लागेल. संध्याकाळी तुम्ही तुमच्या पालकांशी काही महत्त्वाच्या विषयांवर चर्चा कराल ज्यामध्ये तुम्हाला तुमच्या भावंडांचीही गरज लागेल. घरात विवाहउत्सुक व्यक्तीच्या लग्नाची चर्चा होऊ शकते.
कुंभ – आजचा दिवस तुमच्यासाठी प्रगतीचा असेल. आज तुम्ही तुमच्या कुटुंबातील काही सदस्यांसह धार्मिक कार्यक्रमात जाण्याचा विचार करू शकता. आज खाजगी नोकऱ्यांमध्ये काम करणाऱ्या लोकांना आळशी सहकारी आणि जास्त बोलणाऱ्या लोकांपासून अंतर ठेवावे लागेल तरच त्यांना फायदा होईल. आज तुमची आर्थिक स्थिती मजबूत असेल कारण तुमचे रखडलेले पैसे परत मिळतील. आज तुमची काही कामे वेळेत पूर्ण न झाल्यामुळे तुम्हाला थोडी काळजी वाटू शकते.
मीन – आज कुटुंबातील सदस्यांसोबत चांगला वेळ घालवल्याने तुमच्या कुटुंबात आनंदाचे वातावरण असेल. भावंडांसोबत काही जुन्या आठवणींमध्ये रमून जाल ज्यामुळे तुमचे नाते अधिक मजबूत होईल. आज जर तुम्ही तुमच्या व्यवसायाच्या संदर्भात एखाद्याशी पैशांचा व्यवहार करणार असाल तर या प्रकरणात तुम्ही सावधगिरी बाळगली पाहिजे अन्यथा तुमचे पैसे बुडू शकतात. आज संध्याकाळी तुम्ही तुमच्या ओळखीच्या व्यक्तीसोबत बाहेर जाण्याचा प्लॅन करू शकता.
(टीप : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
