माणदेश एक्सप्रेस न्युज : आटपाडी/प्रतिनिधी : आटपाडी तालुक्यातील पारेकरवाडी ग्रामपंचायतीच्या वतीने ‘एक झाड लागवड व संगोपन’ या उपक्रमांतर्गत जिल्हा परिषद शाळेतील सर्व विद्यार्थ्यांना केशर प्रजातीच्या आंब्याच्या रोपांचे वाटप लोकनियुक्त सरपंच सौ.सुवर्णा नारायण कोकरे यांच्या हस्ते करण्यात आले.
पुढील वर्षी या सर्व रोपांचे मुल्यमापन करून ज्यांनी रोपाचे चांगल्या पद्धतीने जतन व संवर्धन केले आहे त्यास सन्मानित करण्यात येणार आहे. यावेळी लोकनियुक्त सरपंच सौ.सुवर्णा नारायण कोकरे, उपसरपंच सत्यवान प्रकाश बरकडे, सदस्य नितीन अधिकराव बरकडे, नारायण कोकरे, रमेश माने, रविंद्र आवळे, नंदकुमार डोंबाळे, सचिन सासणे गुरुजी, धुमाळ गुरुजी तसेच सर्व विद्यार्थी व पालक उपस्थित होते.
शालेय विद्यार्थ्यांना आंब्याच्या रोपांचे वाटप करण्याची योजना शाळांमध्ये पर्यावरण संवर्धनासाठी आणि विद्यार्थ्यांमध्ये वृक्षारोपणाविषयी जागरूकता निर्माण करण्यासाठी एक उत्तम उपक्रम ठरू शकतो. या उपक्रमाद्वारे विद्यार्थ्यांना झाडे लावण्याचे महत्त्व समजते, तसेच पर्यावरणाचे रक्षण करण्यासाठी ते स्वतःहून पुढाकार घेऊ शकतात.
विद्यार्थ्यांना आंब्याचे रोपाचे वाटप केल्याने विद्यार्थ्यांमध्ये निसर्गाच्या संवर्धनाची आवड निर्माण होते. शैक्षणिक अनुभव: विद्यार्थ्यांना झाडांची काळजी घेण्याचे ज्ञान मिळते, तसेच त्यांना निसर्गशास्त्राच्या विषयातील संकल्पना प्रत्यक्ष अनुभवता येतात. वृक्षारोपणाच्या माध्यमातून विद्यार्थ्यांमध्ये समाजासाठी काहीतरी चांगले करण्याची भावना जागृत होते. शाळांमध्ये आंब्याच्या रोपांचे वाटप केल्यानंतर, विद्यार्थ्यांना त्या रोपांची निगा राखण्यासाठी मार्गदर्शन दिले जाऊ शकते, ज्यामुळे पर्यावरण संवर्धनाची सवय त्यांच्यात रुजवली जाऊ शकते.
