मास्टरब्लास्टर सचिन तेंडुलकरचा मुलगा अर्जुन तेंडुलकर लवकरच क्रिकेटच्या मैदानात पुन्हा खेळताना दिसू शकतो. रणजी ट्रॉफी मध्ये गोवा संघाचा पुढील सामना नागालँडशी होणार आहे. या सामन्यात अर्जुन गोवा संघाकडून खेळताना दिसू शकतो. विजय हजारे ट्रॉफी आणि सय्यद मुश्ताक अली ट्रॉफी स्पर्धेत अर्जुनला संघाबाहेर बसविण्यात आले होते. रणजी ट्रॉफी स्पर्धेत अर्जुन गोवा संघासाठी तिसऱ्या क्रमांकाचा सर्वोत्तम गोलंदाज असूनही त्याला बाहेर ठेवण्यात आले होते. अर्जुनने चार सामन्यात १६ बळी घेतले आहेत. गोवा आणि नागालँड यांच्यातील सामना २३ ते २७ जानेवारी दरम्यान दिमापुर येथे होणार आहे.
२०२२-२३ च्या हंगामा आधी अर्जुन तेंडुलकर गोवा संघात सामील झाला. गोवा संघात जाण्याआधी त्याच्याकडे टी२० खेळाडू म्हणून अनुभव होता. अर्जुनने राजस्थान संघाविरुद्ध आपल्या रणजी ट्रॉफीच्या पदार्पणाच्या सामन्यात दमदार शतक लगावले होते. अर्जुनने आतापर्यंत २४ टी२० सामने, १८ अ-श्रेणी सामने आणि १७ फर्स्ट क्लास सामने खेळले आहेत. यात त्याने एकूण ३७ बळी घेतले आहे. तर पांढऱ्या चेंडूने खेळल्या जाणाऱ्या जास्त दिवसांच्या सामन्यात त्याचे ५२ बळी आहेत.
या सामन्यात अर्जुन तेंडुलकरला गोवा संघाकडून संधी दिली जाऊ शकते. अर्जुन तेंडुलकरला बराच काळ संघाबाहेर ठेवण्यात आले होते. आता तो पुन्हा एकदा मैदानावर खेळताना दिसणार आहे.
