अभिनेता विकी कौशल आणि तृप्ती डिमरी यांचा ‘बॅड न्यूज’ चित्रपट 19 जुलै रोजी थिएटरमध्ये रिलीज झाला. चित्रपटाला प्रेक्षकांकडून उत्तम प्रतिसाद मिळत आहे. रिलीजच्या पहिल्याच दिवशी चित्रपटाने बॉक्स ऑफिसवर चांगली कमाई केली आहे. चित्रपटाने पहिल्याच दिवशी 8 कोटींची कमाई केली. मात्र, दुसरीकडे समीक्षकांकडून चित्रपटाला खास प्रतिसाद मिळाला नाहीये. विकी कौशल, तृप्ती डिमरी, ॲमी वर्क, शिबा चढ्ढासह इतर कलाकार प्रमुख भूमिकेत आहेत. चित्रपटाचे दिग्दर्शन आनंद तिवारी यांनी केले असून चित्रपटाची निर्मिती करण जोहरने केली आहे.
सॅकल्निक ट्रेड ॲनालिस्टने दिलेल्या माहितीनुसार, ‘बॅड न्यूज’ चित्रपटाने पहिल्या दिवशी 8 कोटींची कमाई केलेली आहे. चित्रपटाच्या पहिल्या दिवसाच्या कमाईचा हा आकडा दिलासादायक असून प्रेक्षकांकडूनही चित्रपटाचे चांगलेच कौतुक केले जात आहे. बुचकळ्यात पाडणारी कथा समीक्षकांना फारशी आवडलेली नाही. चित्रपटाच्या कथानकात वेगवेगळ्या गोष्टींची सर भेसळ असल्याचे समीक्षकांचे म्हणने आहे.
बॅड न्यूज स्टोरी
एका घरगुती कार्यक्रमामध्ये विकी कौशल आणि तृप्ती डिमरी यांची भेट होते. पुढे फ्रेंडशिप नंतर प्रेम त्यानंतर ते लग्नही करतात. लग्न केल्यानंतर काही महिन्यांतच विकीचा आणि तृप्तीचा घटस्फोट होतो. घटस्फोट झाल्यानंतर तृप्तीली ॲमी वर्क भेटतो. त्यानंतर घडामोडी कशा घडतात हे चित्रपटात सांगितलं आहे.
