skin care tip : चेहऱ्यावर सतत पिंपल्स, त्वचेवर घाम येणे, मुरुमे आणि डाग या सर्वांमुळे आपल्यापैकी अनेक जण वैतागले आहेत. चेहऱ्याची काळजी घेण्यासाठी अनेक महागडी उत्पादने त्वचेवर लावतात. चेहऱ्याच्या समस्या घालवण्यासाठी आंघोळीपूर्वी हे उपाय करुन पाहा. चेहरा गोरा तर होईल पण डाग निघून जाण्यास मदत होईल.
नारळाचे तेल आणि गुलाबजलाचे काही थेंब मिसळून चेहऱ्यावर लावा. २० ते २५ मिनिटानंतर चेहरा थंड पाण्याने धुवा. गुलाबजल त्वचेला टोन करते.
मृत पेशी काढून टाकण्यासाठी चेहऱ्यावर २ ते ३ मिनिटे नारळाच्या तेलाने मसाज करा. ३० मिनिटानंतर चेहरा स्वच्छ धुवा.
चेहऱ्यावर चमक आणण्यासाठी २ चमचे बेसनाच्या पीठात नारळाचे तेल समप्रमाणात मिसळून याची पेस्ट तयार करा. ३० मिनिटे तसेच राहू द्या. सुकल्यानंतर कोमट पाण्याने त्वचा स्वच्छ करा.
त्वचा टॅन झाली असेल तर मुलतानी माती आणि खोबऱ्याचे तेल मिसळून फेसपॅक तयार करा. सुकल्यानंतर चेहरा धुवा. यामुळे त्वचेवरील धूळ, घाण आणि तेल काढून टाकेल.
आंघोळीपूर्वी त्वचेवर नारळाचे तेल आणि चंदनाचा लेप लावल्याने त्वचा थंड राहते. तसेच त्वचेवरील लालसरपणा, मुरुमे आणि जळजळ कमी होते.
