Healthy Tips : उन्हाळ्यात मखाना हा सर्वात जास्त वापरला जाणारा सुकामेवा आहे कारण इतर सुक्यामेव्यांचा स्वरूप खूप उष्ण असते. तर मखाना थंड असते. मखानाच्या सेवनाने पोट थंड राहते. पण भाजलेला मखाना सगळेच खातात. पण तुम्हाला माहिती आहे का की कच्च्या दुधात भिजवलेले मखाना खाण्याचे अनेक फायदे काय आहेत. चला तर मग आजच्या लेखात जाणून घेऊयात…
उन्हाळ्याच्या हंगामात सुक्या मेव्यांचे सेवन कमी केले जाते. कारण बहुतेक सुक्या मेव्यांचा स्वरूप हे उष्ण असते, त्यामूळे उन्हाळ्याच्या दिवसात सुक्यामेव्याचे सेवन केले जात नाही. यासाठी शरीराला योग्य पोषण तसेच प्रोटिन मिळावे यासाठी तुमच्या आहारात मखाना समाविष्ट करा. कारण मखाना हा असा एक सुकामेवा आहे जे तुम्ही उन्हाळ्यातही खाऊ शकता कारण त्याचे स्वरूप थंड असते आणि ते पोटाला थंड ठेवते. त्यात मॅग्नेशियम, पोटॅशियम, फायबर असे अनेक पोषक घटक असतात जे आरोग्यासाठी फायदेशीर असतात. दुधामध्ये कॅल्शियम आणि प्रथिने असतात. दूध आणि मखानामध्ये फायबरचे प्रमाण जास्त असते जे पचनसंस्था सुधारते. मखाना हे उन्हाळ्यातील एक सुपरफूड आहे जे ऊर्जा वाढविण्यास मदत करते.
मखाना खाण्याचे अनेक मार्ग असू शकतात पण ते खाण्याचा सर्वोत्तम मार्ग म्हणजे ते दुधात भिजवून खाणे, त्यामुळे शरीराला सर्व पोषक तत्वे मिळतात आणि त्वचेलाही अनेक फायदे होतात. कच्च्या दुधात भिजवलेले मखाना खाण्याचे काय फायदे आहेत ते आपण जाणून घेऊया.
कच्च्या दुधात भिजवलेले मखाना खाण्याचे फायदे
हाडे मजबूत होतील
आयुर्वेदिक तज्ज्ञ किरण गुप्ता सांगतात की, उकळलेल्या दुधात मखाना खाण्यापेक्षा कच्च्या दुधात मखाना खाणे जास्त फायदेशीर आहे. कच्च्या दुधात भिजवलेले मखाना खाल्ल्याने शरीरातील कॅल्शियम समस्या कमी होतात. खरंतर, सुपरफूड असलेला मखाना आणि दूध दोन्हीमध्ये भरपूर कॅल्शियम असते. म्हणून ते एकत्र खाल्ल्याने हाडे मजबूत होतात.
पचनसंस्था निरोगी राहील
मखान्यामध्ये फक्त एकच नाही तर अनेक प्रकारचे अँटीऑक्सिडंट्स असतात. म्हणूनच ते आपली रोगप्रतिकारक शक्ती सुधारण्यासाठी आणि शरीराला इतर अनेक फायदे देण्यासाठी फायदेशीर ठरते. कच्च्या दुधात भिजवलेले मखाना खाण्याचे अनेक फायदे आहेत, त्यापैकी एक म्हणजे ते तुम्हाला बद्धकोष्ठता, अपचन यासारख्या पोटाच्या समस्यांपासून आराम मिळण्यास मदत करते. मखान्यामध्ये फायबरचे प्रमाण जास्त आणि कॅलरीजचे प्रमाण कमी असते. जे पचनसंस्था निरोगी ठेवण्यास मदत करते.
ऊर्जा वाढवते
कच्च्या दुधात भिजवलेले मखाना खाल्ले तर त्याचे फायदे दुप्पट होतात. हे शरीरातील ऊर्जा वाढविण्यास मदत करते आणि दिवसभर काम केल्यामुळे तुम्हाला जाणवणारा थकवा देखील कमी करते.
त्वचेसाठी फायदेशीर
मखानामध्ये अँटिऑक्सिडंट्स आणि अमीनो ॲसिड भरपूर प्रमाणात असतात जे आपल्या त्वचेला चमक आणण्यासह अनेक फायदे देतात. अशाप्रकारे कच्चा दुधात मखाना भिजवून खाल्ल्याने शरीरात कोलेजनचे उत्पादन देखील सुधारते. तसेच चेहऱ्यावरील चमक टिकून राहण्यास मदत होते. अमीनो ॲसिड वृद्धत्वविरोधी चिन्हे कमी करण्यास मदत करतात.
झोपेची गुणवत्ता सुधारते
कच्च्या दुधात भिजवलेले मखाने खाल्ल्याने झोपेची गुणवत्ता सुधारते. कारण मखाना आणि दुधात मॅग्नेशियम आणि कॅल्शियम असते जे शरीराला आराम देते आणि तणाव कमी करण्यास मदत करते, ज्यामुळे तुम्हाला चांगली झोप येते.
