Viral Video News |
सोशल मीडियाच्या या जमान्यात कुठलंही टॅलेंट लपून राहत नाही. दिवसेंदिवस नवनवीन व्हिडीओ व्हायरल होत असतात. कोणी गायनाने आपली छाप सोडतो, तर कोणी डान्सने. सध्या असाच एक गोडसा व्हिडीओ सोशल मीडियावर गाजतोय. यात एका चिमुकलीने मराठमोळ्या थाटात ‘लल्लाटी भंडार’ या लोकप्रिय गाण्यावर नाचत सर्वांची मने जिंकली आहेत.
‘लल्लाटी भंडार’ गाणं पुन्हा चर्चेत
‘जोगवा’ हा मराठी चित्रपट २००९ मध्ये प्रदर्शित झाला होता. या चित्रपटातील ‘लल्लाटी भंडार’ हे गाणं आजही प्रेक्षकांच्या मनात घर करून आहे. देवभक्ती आणि भावनांनी भारलेलं हे गाणं कुठेही लागलं की पाय आपोआप थिरकायला लागतात. याच गाण्यावर एका लहानग्या मुलीने दिलेला नृत्याविष्कार सध्या व्हायरल झाला असून नेटकऱ्यांनी त्यावर अक्षरशः प्रेमाचा वर्षाव केला आहे.
व्हिडीओमध्ये काय आहे खास?
या व्हिडीओमध्ये दिसतं की, साध्या पोशाखातली एक चिमुकली गाण्याच्या ठेक्यावर उत्स्फूर्तपणे नाचताना दिसते. तिचे नृत्याचे पायऱ्या जशा सुंदर आहेत तसाच तिच्या चेहऱ्यावरील निरागस हावभाव अधिक मोहक वाटतात. गाण्याच्या भावार्थाला साजेसं नृत्य करून ही चिमुकली अगदी व्यावसायिक कलाकारांना सुद्धा मागे टाकेल, असं म्हणावं लागतं.
नेटकऱ्यांच्या कमेंट्सची रेलचेल
हा व्हिडीओ पाहिल्यानंतर नेटकऱ्यांकडून जबरदस्त प्रतिक्रिया उमटत आहेत. काहींच्या कमेंट्स अशा –
“आईशप्पथ काय नाचली राव ही!”
“एक नंबर डान्स”
“खूपच भारी”
“एक्स्प्रेशन्सही कमाल आहेत”
“मस्त डान्स”
या सगळ्या कमेंट्समधून या लहानग्या कलाकाराबद्दलचा आदर आणि कौतुक ओसंडून वाहताना दिसतो.
व्हायरल आकडेवारी
सध्या या डान्स व्हिडीओला एक लाखांहून अधिक व्ह्युज मिळाले आहेत. हजारो लोकांनी तो लाईक केला असून असंख्य लोकांनी तो शेअर केल्याने तो जलद गतीने व्हायरल होतोय.
