🏦 सांगली जिल्हा प्राथमिक शिक्षक बँकेच्या नवीन इमारतीचे चोरून नव्हे, धुमधडाक्यात उद्घाटन! वैद्यकीय शिक्षणमंत्री हसन मुश्रीफ यांच्या हस्ते आज होणार लोकार्पण ; ३४ वर्षांच्या जुन्या इमारतीच्या जागी सुसज्ज पाच मजली इमारत

माणदेश एक्सप्रेस न्यूज | सांगली
सांगली जिल्हा प्राथमिक शिक्षक बँकेच्या जुन्या इमारतीला ३४ वर्षे पूर्ण झाल्यानंतर, अखेर बँकेच्या सुसज्ज नवीन इमारतीचे उद्घाटन सोमवार, दि. २१ जुलै रोजी राज्याचे वैद्यकीय शिक्षणमंत्री हसन मुश्रीफ यांच्या हस्ते होणार आहे.
बँकेचे अध्यक्ष विनायक शिंदे यांनी याबाबत माहिती दिली.

📍 सुसज्ज पायाभूत सुविधांनी सजलेली पाच मजली इमारत

१९५२ साली एका पत्र्याच्या खोलीत सुरू झालेल्या या शिक्षक बँकेचा कारभार १९९० साली बांधलेल्या इमारतीत सुरू होता. सध्या बँकेच्या ठेवी ५०० कोटींच्या घरात असून, १७५ कर्मचारी सेवेत आहेत. बँकेकडून लॉकर, डेटा सेंटर, पार्किंग यासारख्या सुविधा दिल्या जात आहेत.

पुराच्या संभाव्य धोका असलेल्या जुन्या ठिकाणाच्या तुलनेत नवीन इमारतीसाठी सैनिकनगर (सांगली-मिरज रोड) येथे २ कोटी ११ लाख रुपये खर्चून पाच गुंठे जागा खरेदी करण्यात आली. ३ कोटी ६४ लाख रुपये खर्च करून उभारलेली ही १३,५०० स्क्वेअर फूटाची पाच मजली इमारत दीड वर्षात पूर्ण झाली आहे.

🎉 उद्घाटन सोहळ्यात मान्यवरांची मांदियाळी

या उद्घाटन समारंभासाठी आ. इद्रिस नायकवडी, आ. सुधीर गाडगीळ, संभाजी थोरात, माजी आ. भगवानराव साळुंखे, जिल्हा उपनिबंधक सुनील चव्हाण, बाळासाहेब मारणे, मुश्ताक पटेल, धैर्यशील पाटील, अंकुश काळे आदी मान्यवर उपस्थित राहणार आहेत.

बँकेच्या उपाध्यक्षा उपाध्यक्षा अनिता काटे, संचालक मंडळ सदस्य शरद चव्हाण,  शामगोंडा पाटील, शिवाजी जाधव, अमोल माने, अमोल शिंदे, महादेव हेगडे, बाळासाहेब कटारे, विजय कुरणे, संजय काटे, मुस्ताक पटेल, संतोष जाधव, हंबीरराव पवार, सुधाकर पाटील, भानुदास पाटील, मुकुंद पंडित यांचीही उपस्थिती राहणार आहे.

🎯 “उद्घाटन चोरून नव्हे,堂धडाक्यातच होणार!” – अध्यक्ष विनायक शिंदे यांचा विरोधकांना टोला

विनायक शिंदे यांनी विरोधकांच्या आरोपांवर प्रतिक्रिया देताना स्पष्ट सांगितले की,

“गेल्या तीन वर्षांपासून बँकेत पारदर्शक कारभार सुरू आहे. बक्षीस पगार, बोनसची प्रथा थांबवली आहे. कर्जाच्या व्याजदरात कपात करून सभासदांना थेट फायदा दिला आहे.
विरोधक केवळ प्रसिद्धीसाठी ‘चोरून उद्घाटन’ अशा खोट्या बातम्या पसरवत आहेत. हे उद्घाटन चोरून नव्हे, तर सर्वांसमोर, गौरवशाली पद्धतीने, धुमधडाक्यात होणार आहे!”