Viral Video: सोशल मीडियावर नेहमीच काही ना काही व्हायरल व्हिडीओ चर्चेत येत असतात. काही व्हिडीओ भावनिक असतात, काही माहितीपूर्ण असतात, तर काही अगदी मजेशीर असतात. सध्या एक असाच मजेशीर व्हिडीओ नेटकऱ्यांचे लक्ष वेधून घेत आहे. या व्हिडीओमध्ये एक मुलगी प्रेमाबाबत तिचा ठाम दावा करते की ती मनापासून प्रेम करते, मात्र काही क्षणांतच मुलाने तिचा भ्रम दूर करून सर्वांना खळखळून हसायला भाग पाडलं आहे.
मुलीचा दावा – “मी मन पाहून प्रेम करते”
व्हिडीओमध्ये दिसते की एक मुलगी हातात माइक घेऊन एका मुलाला विचारते, “तुला काय वाटतं, मुली मन पाहून प्रेम करतात का?” त्यावर ती स्वतःच उत्तर देत म्हणते, “मी मन पाहून प्रेम करते.” या विधानावर मुलगा थोडं मिश्कीलपणे हसत म्हणतो, “नाही रे, तुम्ही सर्व मुली चेहरा पाहूनच प्रेम करता, मन वगैरे नुसतं बोलणं असतं.”
मुलाचं भन्नाट उत्तर
मुलीने त्याला विरोध करत पुन्हा सांगितलं, “नाही, खरंच मी मन पाहून प्रेम करते.” यावर मुलाने एक भन्नाट प्रयोग करून दाखवला. त्याने लगेचच बाजूला उभ्या असलेल्या साध्या रूपाच्या व्यक्तीला पुढे आणलं आणि म्हणाला, “मन पाहून प्रेम करतेस तर यांच्यावर कर ना प्रेम. मन तर यांच्याकडेही आहे!”
हे ऐकून तिथे उभा असलेला व्यक्ती थोडा हसत मुलीकडे पाहू लागला. मात्र मुलीच्या चेहऱ्यावरचं हावभाव पाहून नेटकरीही खळखळून हसले. तिची अवस्था अशी झाली की ना ती उत्तर देऊ शकली, ना हसू आवरू शकली.
सोशल मीडियावर तुफान व्हायरल
हा व्हिडीओ सोशल मीडियावर झपाट्याने व्हायरल झाला आहे. आतापर्यंत 6 लाखांहून अधिक लोकांनी तो पाहिला आहे. कमेंट सेक्शनमध्ये कॅप्शन देण्यात आलं आहे, “मुली खरंच मन पाहून प्रेम करतात का?” असा प्रश्न विचारला आहे.
नेटकऱ्यांच्या भन्नाट प्रतिक्रिया
कमेंट्समध्ये अनेकांनी मुलाच्या बोलण्याशी सहमती दर्शवली आहे. काहींनी तर मुलाच्या हुशारीचं कौतुक केलं आहे. एका युजरने लिहिलं, “गजब टोपीबाज आहे हा मुलगा!” तर दुसऱ्याने चेष्टेत लिहिलं, “मन फाडायला सांग, मग कळेल खरं प्रेम काय असतं.”
तर काहींनी थेट टोमणा मारला की, “मनाऐवजी पैसा असेल तर प्रेम नक्कीच होईल.”
View this post on Instagram
