शेअर बाजारात सेन्सेक्सने आज 79000 अंकांची पातळी गाठली आहे. तर NSE चा निफ्टी 23,881.55 अंकांनी उघडला आहे. सकाळपासूनच बाजारात मर्यादित प्रमाणात व्यवहार होत होते. सेन्सेक्सच्या शेअर्स पाहिले तर त्यातील 30 शेअर्सपैकी 12 शेअर्स वाढीसह आणि 18 शेअर्स घसरणीसह व्यवहार करत आहेत. अल्ट्राटेक सिमेंट त्याच्या मोठ्या सिमेंट डीलच्या आधारे मार्केटमध्ये टॉप गेनर बनली. त्यानंतर JSW स्टीलचा क्रमांक लागतो. गुरुवारी सुरुवातीच्या व्यापारात अमेरिकन डॉलरच्या तुलनेत रुपया 8 पैशांनी 83.49 वर वाढला, कारण कच्च्या तेलाच्या किमती घसरल्या. ब्रेंट क्रूड ऑइल फ्युचर्स 28 सेंट्स म्हणजेच 0.3% घसरून $84.97 प्रति बॅरल झाले. जपानचा निक्केई शेअर सरासरी गुरुवारी 1% घसरला. तर, हाँगकाँगचा हँग सेंग देखील सुमारे 2% खाली व्यवहार करत होता.
