सोन्या-चांदीचे दर घसरले; लग्नसराईच्या हंगामात ग्राहकांना दिलासा! पाहा १४ ते २४ कॅरेट सोन्याचे आजचे लेटेस्ट रेट

माणदेश एक्सप्रेस न्यूज | मुंबई :
लग्नसराईचा हंगाम सुरू होताच सोन्या-चांदीच्या बाजारात घसरणीची लाट पाहायला मिळत आहे. गेल्या काही दिवसांपासून सातत्याने वाढत असलेल्या दरांमध्ये आता घट झाल्याने ग्राहकांना मोठा दिलासा मिळाला आहे. आज, शुक्रवार दिनांक ७ नोव्हेंबर रोजी सोन्याच्या भावात तब्बल ४३९ रुपयांची घसरण झाली असून २४ कॅरेट सोन्याचा भाव १,२०,२३१ रुपये प्रति १० ग्रॅम इतका झाला आहे. जीएसटीसह याची किंमत आता १,२३,८३७ रुपये प्रति १० ग्रॅम इतकी ठरली आहे.

दरम्यान, चांदीच्या भावातही घट नोंदवली गेली आहे. आज चांदी जीएसटीशिवाय २३२ रुपयांनी स्वस्त होऊन १,४८,०१० रुपये प्रति किलो दराने उघडली. तर जीएसटीसह चांदीचा दर आता १,५२,४५० रुपये प्रति किलो झाला आहे.

२४ कॅरेट सोन्याचा भाव आता १७ ऑक्टोबरच्या विक्रमी उच्चांकापेक्षा १०,६४३ रुपयांनी कमी झाला आहे. तर चांदीचा दरही १४ ऑक्टोबरच्या उच्चांकापासून तब्बल ३०,०९० रुपयांनी घसरला आहे.

भारतीय सराफ संघटना (IBJA) दररोज दोन वेळा सोन्या-चांदीचे अधिकृत दर जाहीर करते –

• पहिला दर दुपारी १२ वाजता

• दुसरा दर संध्याकाळी ५ वाजता

🔸 कॅरेटनुसार आजचे सोन्याचे दर (७ नोव्हेंबर २०२५)

(दरांमध्ये मेकिंग चार्जचा समावेश नाही.)

या वर्षभरात सोन्याचा दर एकूण ₹४४,४९१ प्रति १० ग्रॅमने वाढला, तर चांदीने तब्बल ₹६१,९९३ प्रति किलोने झेप घेतली आहे. मात्र सध्याच्या घसरणीमुळे लग्नसराईच्या काळात दागिने खरेदी करणार्‍या ग्राहकांसाठी ही उत्तम संधी ठरू शकते.

दरम्यान, अर्थमंत्री निर्मला सीतारामन यांनीही आज बँकिंग क्षेत्रातील महत्त्वाचे विधान केले आहे. “ग्राहकांशी संवाद साधताना बँक कर्मचाऱ्यांनी स्थानिक भाषेतच बोलावे,” अशी सूचना त्यांनी दिली आहे. त्यामुळे बँकिंग सेवांमध्ये स्थानिक भाषेचा वापर वाढण्याची शक्यता व्यक्त केली जात आहे.

सोन्या-चांदीच्या दरांमधील ही घसरण लग्नाच्या हंगामात ग्राहकांसाठी दिलासादायक ठरली आहे. तज्ज्ञांच्या मते, पुढील काही दिवसांत दरांमध्ये आणखी किंचित घट होऊ शकते. त्यामुळे दागिने खरेदीसाठी हा काळ सुवर्णसंधी मानला जात आहे.