शेवग्याची पाने केवळ तुमच्या आरोग्यासाठीच फायदेशीर नाही तर तुम्ही तुमचे कोरडे, कुरळे केस रेशमी आणि चमकदार बनवण्यासाठी देखील याचा वापर करू शकता. केस गळतीच्या समस्येपासून मुक्त होण्यास देखील शेवग्याची पाने मदत करतात. तर आपण केसांसाठी शेवग्याच्या पानांचा वापर कसा करावा ते जाणून घेऊया.
आजकाल चुकीच्या जीवनशैली आणि अस्वस्थ खाण्याच्या सवयींमुळे अनेक आरोग्याच्या समस्या उद्भवू लागल्या आहेत. यापैकी एक म्हणजे केस गळतीची समस्या, ज्यापासून मुक्त होण्यासाठी आपण बाजारात उपलब्ध असलेल्या अनेक प्रकारच्या कॅमिकल आधारित प्रोडक्टचा वापर करतो. ज्यामुळे आपल्या केसांना फायदा होण्याऐवजी नुकसान होते. अशातच घरी उपलब्ध असलेल्या काही नैसर्गिक गोष्टींनी तुम्ही केसांच्या समस्यांपासून मुक्त होऊ शकता. यापैकी एक म्हणजे शेवग्याची पाने जे तुम्ही तुमच्या केसांची काळजी घेण्याच्या दिनचर्येचा एक भाग बनवू शकता. त्यात अनेक औषधी गुणधर्म आहेत जे केसांना निरोगी बनवण्यास मदत करतात.
शेवग्याच्या पानांचा वापर केल्याने तुमचे केस मजबूत करण्यासोबतच ते रेशमी, चमकदार आणि गुळगुळीत देखील होते. तुम्ही शेवग्याच्या पानांची पावडर काही गोष्टींमध्ये मिसळून हेअर मास्क म्हणून वापरू शकता. यामुळे तुमचे केस मुळापासून मजबूत होतील आणि केस गळतीसारख्या समस्यांपासूनही आराम मिळू शकेल.
केसांसाठी शेवग्याच्या पानांचा वापर कसा करावा
पानांपासून ते शेवग्याच्या फुलांपर्यंत सर्वकाही औषधी गुणधर्मांनी परिपूर्ण आहे. हे केसांच्या वाढीस देखील मदत करते. तर मग आजच्या या लेखात आपण जाणून घेऊयात की तुम्ही तुमच्या केसांमध्ये शेवग्याची पाने कोणत्या प्रकारे वापरू शकता.
शेवग्याच्या पानांची पावडर केसांना निरोगी बनवते
शेवग्याच्या पानांमध्ये व्हिटॅमिन ए, सी, अँटीऑक्सिडंट्स, व्हिटॅमिन ई, लोह असे अनेक पोषक घटक असतात जे केसांसाठी फायदेशीर असतात. त्यामुळे तुम्ही शेवग्याची पाने वाळवून पावडर तयार करू शकता, जी तुम्ही थोड्या पाण्यात मिक्स करून अर्धा तास केसांवर लावू शकता आणि नंतर केस धुवू शकता. यामुळे तुमच्या केसांची गुणवत्ता सुधारते.
शेवग्याच्या पानांचे तेल देखील उपयुक्त
तुम्ही घरी शेवग्याच्या पानांपासुन तेल तयार करू शकता. यासाठी, नारळाच्या तेलात व बदाम तेलात शेवग्याच्या पानांची पावडर मिक्स करा आणि काचेच्या बाटलीत ठेवा. नंतर 2-3 दिवस उन्हात ठेवा. आता त्यात रोझमेरी तेलाचे काही थेंब टाका. तर अशापद्धतीने शेवग्याच्या पानांचा तेल तयार आहे. तुम्ही हा तेल आठवड्यातून दोनदा वापरू शकता.तसेच या तेलाने मालिश केल्याने तुमच्या केसांची वाढ सुधारते.
शेवग्याच्या पानांचे केसांसाठी फायदे
केसांच्या आरोग्यासाठी शेवग्याची पाने खूप फायदेशीर आहे. यामध्ये व्हिटॅमिन सी, ए, ई, लोह आणि झिंक सारखे पोषक घटक असतात जे केसांना पोषण देण्यास आणि केस गळतीपासून मुक्त होण्यास मदत करतात. यामध्ये असलेले अमिनो ॲसिड केसांना जाड आणि लांब बनवण्यास मदत करतात. शेवग्याच्या पानांमध्ये अँटी-ऑक्सिडंट्स आणि अँटीबॅक्टेरियल गुणधर्म असतात जे स्कॅल्प स्वच्छ करण्यास मदत करतात. कोंड्याच्या समस्येपासून मुक्त होण्यास मदत होते.
( डिस्क्लेमर : यामध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
