माणदेश एक्सप्रेस न्युज/आटपाडी/प्रतिनिधी : आटपाडी नगरपंचायत सार्वत्रिक निवडणूक 2025 साठी थेट नगराध्यक्षपदाच्या रिंगणात यंदा तब्बल २२ उमेदवारांनी अर्ज दाखल करून प्रचंड चुरस निर्माण केली आहे. अर्ज दाखल करण्याच्या शेवटच्या दिवशी तहसील कार्यालयात पक्षीय नेत्यांची गर्दी, समर्थकांची घोषणाबाजी, बॅनर–झेंडे आणि उत्साहाचा उधाण दिसत होते. स्थानिक पातळीवरून राज्यस्तरीय नेतृत्त्वापर्यंत यंदाच्या निवडणुकीत रस असल्याचे या दिमाखदार अर्ज दाखल सोहळ्याने पुन्हा स्पष्ट केले.

यंदाची लढत कोणीही एकहाती जिंकणार नाही, हे अर्ज दाखल करणाऱ्या उमेदवारांच्या संख्येवरूनच स्पष्ट होते. शिवसेना (शिंदे) गटाने सर्वाधिक उमेदवार रिंगणात उतरवले आहेत, तर भाजपकडून तीन उमेदवारांनी आपला दावा दाखल केला आहे. राष्ट्रवादी काँग्रेस पार्टी (शरद पवार गट), राष्ट्रीय समाज पक्ष, तीर्थक्षेत्र विकास आघाडी पंढरपूर अशी अनेक राजकीय बलस्थानेही या निवडणुकीत उतरली आहेत. याशिवाय स्थानिक पातळीवर प्रभाव असणारे अनेक अपक्षही लढतीत उतरले असून यामुळे मतविभाजन मोठ्या प्रमाणात होण्याची शक्यता निर्माण झाली आहे.

पक्षनिहाय थेट नगराध्यक्षपदाचे उमेदवार

🟧 शिवसेना (शिंदे)

• माळी आप्पासो नानासो

• बालटे उत्तम नामदेव

• सातारकर राजेश शामराव

• सागर रावसाहेब शिवाजी

• जाधव सतिश मधुकर

• नागणे पंढरीनाथ भगवान

🟡 भारतीय जनता पार्टी (BJP)

• दाँडे चंद्रकांत मधुकर

• पोतदार स्नेहजित जगन्नाथ

• जाधव उत्तम तायाप्पा 

🟩 राष्ट्रवादी काँग्रेस पार्टी (शरदचंद्र पवार गट)

• खादिक सादिक पापामिया

🔵 तीर्थक्षेत्र विकास आघाडी, पंढरपूर

• पाटील सौरभ पोपट

• काळे दगडू भिमराव

• लवटे अशोक सोपान

⚪ राष्ट्रीय समाज पक्ष

• हाके शुभम वसंत

🟫 अपक्ष

• खिलारी हरीष धनाजी

• खाटिक सादिक पापामिया

• कवडे गुरुप्रसाद अतुल

• हाके चंद्रकांत रामचंद्र

• नवले लक्ष्मण मधुकर

• फुले संदीप बाबा

• बालटे अरुण दत्तू

 शिवसेना आणि भाजप यांच्यातील मुकाबला अधिक तीव्र होणार आहे. भाजपने तीन उमेदवार उभे करत आपली ताकद दाखवली असून विशेषतः जाधव उत्तम तायाप्पा यांचा भाजपकडून उमेदवारी अर्ज अंतिम असणार आहे.  शिवसेनेकडूनही सलग सात उमेदवार उतरल्याने त्यांच्या थेट लढाईची तयारी दिसून येते.

तीर्थक्षेत्र विकास आघाडी पंढरपूरकडून तीन उमेदवार रिंगणात असल्याने स्थानिक पातळीवरील मतांचे समीकरण बदलण्याची शक्यता राजकीय जाणकार व्यक्त करत आहेत. तर राष्ट्रवादीचे सादिक पापामिया खाटिक आणि राष्ट्रीय समाज पक्षाचे शुभम हाके हेही स्पर्धक ठरणार आहेत. दुसरीकडे, सात अपक्ष उमेदवारांच्या उपस्थितीमुळे लढत अनेक जागी त्रिकोणी किंवा चौरंग होण्याची शक्यता अधिक झाली आहे.

निवडणूक प्रक्रिया पुढील काही दिवसांत अधिक वेग घेणार आहे. छाननी, अर्ज मागे घेण्याची अंतिम तारीख आणि अधिकृत उमेदवार यादी जाहीर झाल्यानंतर प्रत्यक्ष लढतीचे गणित स्पष्ट होईल. मात्र सध्या तरी आटपाडीमध्ये राजकीय तापमान प्रचंड वाढले असून नगराध्यक्षपदाची लढत अत्यंत रोमहर्षक आणि थरारक होणार असल्याचे निश्चित झाले आहे.