माणदेश एक्स्प्रेस न्यूज | आटपाडी
आटपाडी शहरात दहीहंडीच्या कार्यक्रमातून उगम पावलेल्या वादाचे वेळेत निराकरण न झाल्याने शनिवारी दुपारी दोन गटांत भीषण राडा झाला. काठ्या, दगड यांचा वापर करून झालेल्या या मारहाणीमध्ये चार जण गंभीर जखमी झाले असून त्यांच्यावर उपचार सुरू आहेत. या घटनेमुळे शहरात तणावाचे वातावरण निर्माण झाले आहे.
दोन दिवसांपूर्वी दहीहंडीच्या कार्यक्रमात सुरुवात
दोन दिवसांपूर्वी आटपाडी येथे मोठ्या उत्साहात दहीहंडीचा कार्यक्रम पार पडला. मात्र, या कार्यक्रमादरम्यान झालेल्या किरकोळ वादातून एका तरुणाला मारहाण करण्यात आली होती. यामुळे परिसरात दोन गटांमध्ये वैमनस्याचे वातावरण तयार झाले.
वाद मिटविण्यासाठी बोलावली बैठक
शनिवारी या वादाचा तोडगा काढण्यासाठी दोन्ही गटांच्या मध्यस्थीत बैठक बोलावण्यात आली होती. परंतु, शांततेत तोडगा काढण्याऐवजी बैठकीतच वादावादी सुरू झाली. काही वेळातच परिस्थिती हाताबाहेर गेली आणि दोन्ही गट एकमेकांवर तुटून पडले.
काठ्या-दगडांचा वापर, दोघे गंभीर जखमी
वादाच्या दरम्यान काठ्या व दगडांचा वापर करून हल्ला करण्यात आला. या हाणामारीत दोन्ही गटातील दोघेजण गंभीर जखमी झाले. त्यांना तात्काळ उपचारासाठी आटपाडीतील वरद हॉस्पिटल येथे दाखल करण्यात आले.
हॉस्पिटलमध्ये मोठी गर्दी
घटनेची माहिती शहरभर वाऱ्यासारखी पसरताच वरद हॉस्पिटल परिसरात मोठ्या संख्येने नागरिक व युवक जमले. त्यामुळे हॉस्पिटल परिसरात काही काळ गोंधळाचे वातावरण निर्माण झाले होते.
पोलिसांची धाव, चौकशी सुरू
घटनेची माहिती मिळताच आटपाडी पोलिसांनी घटनास्थळी धाव घेतली. सध्या शहरात पोलिसांचा बंदोबस्त वाढविण्यात आला आहे. 👉 या घटनेमुळे आटपाडी शहरात पुन्हा एकदा दोन गटांमधील वैमनस्य उफाळून आले असून नागरिकांमध्ये भीतीचे वातावरण आहे.
