माणदेश एक्सप्रेस न्यूज | आटपाडी :
राष्ट्रवादी काँग्रेस पक्षाचे राष्ट्रीय अध्यक्ष आणि राज्याचे उपमुख्यमंत्री अजित दादा पवार यांच्या वाढदिवसानिमित्त “जनविश्वास सप्ताह” साजरा करण्यात येत आहे. या निमित्ताने आज ग.दि.माडगूळकर शासकीय औद्योगिक प्रशिक्षण संस्था, आटपाडी येथे “झाड माझी सावली, झाड माझी माऊली” या उपक्रमांतर्गत वृक्षारोपण करण्यात आले.
हा उपक्रम राष्ट्रवादी युवक काँग्रेस, सांगली जिल्हा यांच्यावतीने राबवण्यात आला. जिल्हाध्यक्ष युवानायक अनिल शेठ पाटील यांच्या प्रमुख उपस्थितीत व मान्यवरांच्या हस्ते वृक्षारोपणाचे कार्य पार पडले.
या वेळी प्रमुख पाहुणे म्हणून बानेगोल सर, भोपळे सर, सनगर सर, विपुल शेठ कदम, सिद्धनाथ साळुंखे, अमोल नांगरे, यलाप्पा पवार, सतिश मुढे, ऋषिकेश पाटील, नरेंद्र दिक्षित, प्रविण जाधव, सुशांत सावत, संतोष बिराजदार, विकी दौंडे, विनय देशमुख, दुर्योधन जावीर, बंडू सरगर, स्वप्निल हाके, प्रताप बालटे, ओंकार दुबोले, राहुल पवार, अनिल पवार आदींसह संस्थेचे प्राध्यापक व विद्यार्थी मोठ्या संख्येने उपस्थित होते.
पर्यावरण संरक्षण ही काळाची गरज – अनिल शेठ पाटील
कार्यक्रमात बोलताना अनिल शेठ पाटील म्हणाले,
“वाढते प्रदूषण, तापमानातील सतत वाढ आणि निसर्गचक्रातील अनियमितता पाहता, पर्यावरण रक्षण हे आजच्या काळात अत्यावश्यक झाले आहे. वृक्षलागवड ही भविष्यासाठीची गुंतवणूक असून, ‘हरित महाराष्ट्र’ ही संकल्पना प्रत्यक्षात उतरवण्याची जबाबदारी आपल्या सर्वांची आहे.”
त्यांनी पुढे सांगितले की,
“वृक्षारोपण हा केवळ एक औपचारिक कार्यक्रम नसून, तो आपल्या भावी पिढ्यांच्या श्वासासाठीचा मार्ग आहे. घोषणांपेक्षा कृती महत्त्वाची असून प्रत्येकाने एक झाड लावून ते जगवण्याचा संकल्प करायला हवा.”
उपक्रमाचा उद्देश – हरित आणि जागरूक महाराष्ट्र
या उपक्रमाचा मुख्य उद्देश म्हणजे पर्यावरणाविषयी जनजागृती करणे, वृक्षारोपणाच्या माध्यमातून हरित परिसर निर्माण करणे आणि लोकांमध्ये निसर्ग रक्षणाची भावना निर्माण करणे हा होता.
“झाड माझी सावली, झाड माझी माऊली” हे केवळ ब्रीदवाक्य नाही, तर ही एक जबाबदारी आहे, हे प्रत्येक सहभागी सदस्याने जाणून त्यात आपला सक्रिय सहभाग नोंदवला.
