माणदेश एक्सप्रेस न्युज/ पुणे: पुण्यातील नवले पुलाजवळ भीषण अपघात घडल्याची बातमी समोर आली आहे. पुण्यातील नवले पुलाजवळ एका उभ्या असलेल्या क्रेनला ट्रकची धडक होऊन दोन जण अडकल्याची घटना समोर आली आहे. पुणे व पीएमआरडीए अग्निशमन दलाची चार वाहने दाखल झाली आहेत.
उभ्या असलेल्या एका क्रेनला ट्रकने धडक दिल्याने हा भीषण अपघात झाला आहे. यामध्ये दोन जण अडकले असल्याची माहिती समोर आली आहे. घटनास्थळी पुणे व पीएमआरडीए अग्निशमन दलाची चार वाहने दाखल झाली असून एकास गंभीर जखमी अवस्थेत बाहेर काढले आहे. तर दुसऱ्याला बाहेर काढण्याचे काम सुरू आहे.
