माणदेश एक्सप्रेस/चंद्रपूर: ‘मुख्यमंत्री देवेंद्र फडणवीस यांनी पंतप्रधान नरेंद्र मोदी यांचे वारसदार व्हावे, असं विधान करत काँग्रेस नेते आमदार विजय वडेट्टीवार यांनी सीएम फडणवीस यांचे कौतुक केले. चंद्रपूरातील एका कार्यक्रमात काँग्रेस आमदार वडेट्टीवार यांनी हे विधान केले. यावेळी त्यांनी भविष्यात फडणवीस यांनी देशाचे नेतृत्व करावे, असं विधानही केले.
यावेळी कार्यक्रमात बोलताना विजय वडेट्टीवार म्हणाले, एका माजी मुख्यमंत्र्यांच्या १२५ व्या जयंतीला जिल्ह्याचे सुपुत्र मुख्यमंत्री देवेंद्र फडणवीस उपस्थित झाले आहेत, ही मोठी गोष्ट आहे. आता आम्ही मुख्यमंत्री देवेंद्र फडणवीस यांनी पंतप्रधान नरेंद्र मोदी यांचे वारसदार व्हावे, असं विधान करत त्यांनी सीएम फडणवीस यांचे कौतुक केले.
आमदार विजय वडेट्टीवार म्हणाले, जे काम मारोतराव कन्नमवारजी यांनी केले, त्या कामाला यांनी पुढे घेऊन जाण्याचे काम केले आहे. गडचिरोली आणि चंद्रपूर हे दोन्ही जिल्हे देवेंद्र फडणवीस यांनी दत्तक म्हणून स्विकारले पाहिजेत. आपण भविष्यात देशाचे नेतृत्व कराल, असं मोठं विधानही वडेट्टीवार यांनी केले. (स्रोत–लोकमत)
