माणदेश एक्सप्रेस न्यूज | मुंबई :
ऑक्टोबर महिन्याच्या पहिल्याच दिवशी म्हणजे 1 ऑक्टोबर 2025 पासून सामान्य जनतेवर थेट परिणाम करणारे अनेक मोठे बदल लागू झाले आहेत. या बदलांचा परिणाम स्वयंपाकघरापासून ते प्रवास खर्च, डिजिटल व्यवहार आणि बँकिंग सेवांपर्यंत होणार आहे. एलपीजी सिलेंडरपासून UPI व्यवहार, रेल्वे तिकीट बुकिंग ते विमान इंधन दर आणि बँक सुट्ट्या… अशा 5 महत्त्वाच्या क्षेत्रांमध्ये झालेले बदल जाणून घेणे आवश्यक आहे.
1) एलपीजी सिलेंडर महागला – स्वयंपाकघराच्या बजेटला झटका
सणासुदीच्या तोंडावर गॅस महागल्याने घरगुती बजेट डळमळीत होण्याची शक्यता आहे.
दिल्ली : 19 किलो व्यावसायिक एलपीजी सिलेंडर 1580 रुपयांवरून 1595 रुपये
कोलकाता : 1684 रुपयांवरून 1700 रुपये
मुंबई : 1531 रुपयांवरून 1547 रुपये
चेन्नई : 1738 रुपयांवरून 1754 रुपये
👉 महत्त्वाचे म्हणजे 14 किलो घरगुती सिलेंडरचे दर मात्र बदललेले नाहीत.
2) विमान प्रवास महागणार – एटीएफच्या किमतीत वाढ
सप्टेंबरमध्ये थोडी कपात झाल्यानंतर पुन्हा एकदा एअर टर्बाइन फ्युएल (ATF) महागले आहे.
दिल्ली : 90,713.52 वरून 93,766.02 रुपये प्रति किलोलिटर
कोलकाता : 93,886.18 वरून 96,816.58 रुपये
मुंबई : 84,832.83 वरून 87,714.39 रुपये
चेन्नई : 94,151.96 वरून 97,302.14 रुपये
👉 एटीएफ महागल्यामुळे विमान कंपन्यांचा खर्च वाढणार असून तिकिट दरही वाढू शकतात.
3) रेल्वे तिकीट बुकिंगसाठी नवे नियम
फसवणूक रोखण्यासाठी भारतीय रेल्वेने मोठा निर्णय घेतला आहे.
आता आधार व्हेरिफिकेशन केलेल्या प्रवाशांनाच आरक्षण सुरू झाल्यानंतर पहिल्या 15 मिनिटांत ऑनलाइन तिकीट बुक करता येईल.
हा नियम IRCTC वेबसाइट आणि ॲपवर तत्काळ बुकिंगसाठी लागू होणार आहे.
मात्र, PRS काउंटरवरून तिकिट खरेदी करणाऱ्यांसाठी कोणताही बदल नाही.
4) UPI व्यवहारात बदल
NPCI च्या निर्देशानुसार, 1 ऑक्टोबरपासून Peer to Peer (P2P) Collect Transaction फीचर UPI ॲप्समधून काढून टाकण्यात आले आहे.
👉 या बदलाचा उद्देश वापरकर्त्यांची सुरक्षा मजबूत करणे आणि फसवणूक थांबवणे हा आहे.
5) ऑक्टोबर महिन्यात बँकांच्या 21 सुट्ट्या
ऑक्टोबर महिना सणांनी गजबजलेला असून बँकिंग कामकाजावर त्याचा परिणाम होणार आहे.
महात्मा गांधी जयंती, दसरा, लक्ष्मीपूजा, वाल्मिकी जयंती, करवा चौथ, दिवाळी, गोवर्धन पूजा, भाईदूज, छठ पूजा अशा मोठ्या सणांमुळे ऑक्टोबर महिन्यात बँका विविध राज्यांमध्ये एकूण 21 दिवस बंद राहणार आहेत.
यामध्ये रविवारी आणि दुसरा-चौथा शनिवार यांच्याही सुट्ट्या येतात.
👉 नागरिकांनी बँकेचे काम नियोजनपूर्वक करणे आवश्यक आहे.
1 ऑक्टोबर 2025 पासून लागू झालेले हे बदल थेट सामान्य नागरिकांच्या खिशावर परिणाम करणारे आहेत.
स्वयंपाकघरात गॅस महागला, प्रवासासाठी विमान तिकीट दर वाढू शकतात, रेल्वे तिकिटासाठी नवा नियम लागू झाला, डिजिटल पेमेंटमध्ये बदल झाले तर बँकांच्या सुट्ट्यांमुळे दैनंदिन कामकाजावर परिणाम होणार आहे.
