माणदेश एक्सप्रेस न्यूज |
अभियांत्रिकी पदवीधर तरुणांसाठी एक मोठी संधी उपलब्ध झाली आहे. इलेक्ट्रॉनिक्स कॉर्पोरेशन ऑफ इंडिया लिमिटेड (ECIL) या सरकारी क्षेत्रातील प्रमुख कंपनीकडून तांत्रिक अधिकारी (Technical Officer) पदांसाठी भरती प्रक्रिया सुरू झाली आहे. ही भरती कराराच्या आधारावर केली जाणार असून अर्ज करण्याची अंतिम मुदत २२ सप्टेंबर २०२५ आहे.
एकूण जागा आणि आरक्षण
या भरतीद्वारे १६० पदे भरण्यात येणार आहेत. त्यापैकी –
६५ जागा सामान्य प्रवर्गासाठी
१६ जागा आर्थिकदृष्ट्या दुर्बल घटक (EWS) साठी
४३ जागा इतर मागासवर्गीय प्रवर्गासाठी (OBC)
२४ जागा अनुसूचित जातीसाठी (SC)
१२ जागा अनुसूचित जमातीसाठी (ST)
अर्जप्रक्रियेला १६ सप्टेंबरपासून सुरुवात झाली आहे.
शैक्षणिक पात्रता
अर्जदारांकडे बीई/बीटेक पदवी असणे आवश्यक आहे.
शाखा : ECE, ETC, E&I, इलेक्ट्रॉनिक्स, EEE, इलेक्ट्रिकल, CSE, IT, मेकॅनिकल
किमान ६० टक्के गुणांसह उत्तीर्ण असणे बंधनकारक आहे.
अर्जदाराचे वय ३० वर्षांपेक्षा जास्त नसावे.
मात्र, OBC/SC/ST प्रवर्गातील उमेदवारांना वयोमर्यादेत शासकीय नियमांनुसार सवलत मिळेल.
निवड प्रक्रिया
या भरतीत उमेदवारांची निवड शैक्षणिक गुणवत्तेच्या आधारे केली जाईल. निवडलेल्या उमेदवारांची नियुक्ती एका वर्षासाठी करारावर केली जाईल. कामगिरी समाधानकारक असल्यास कराराची मुदत कमाल चार वर्षांपर्यंत वाढवली जाऊ शकते.
अर्ज कसा करावा?
सर्वप्रथम इलेक्ट्रॉनिक्स कॉर्पोरेशन ऑफ इंडियाची अधिकृत वेबसाइट ecil.co.in ला भेट द्या.
होमपेजवरील Career Section निवडा.
Technical Officer Recruitment या पर्यायावर क्लिक करा.
आवश्यक ती माहिती व कागदपत्रे अपलोड करून अर्ज सबमिट करा.
महत्वाची तारीख
अर्ज करण्याची सुरुवात : १६ सप्टेंबर २०२५
अर्ज करण्याची शेवटची तारीख : २२ सप्टेंबर २०२५
सरकारी नोकरी शोधणाऱ्या अभियांत्रिकी पदवीधरांसाठी ही गोल्डन चान्स मानली जात आहे. कराराच्या आधारे भरती असली तरी भविष्यातील अनुभव व स्थिरतेसाठी ही संधी महत्त्वाची ठरू शकते. इच्छुकांनी वेळ न दवडता तात्काळ अर्ज करावा, असे आवाहन करण्यात आले आहे.
