▪️ स्थानिक गुन्हे अन्वेषण शाखेची कारवाई – बनावट फिर्याद देणाऱ्या महिलेकडून सोनं-चांदी हस्तगत
आटपाडी, ता. ५ जुलै २०२५ (प्रतिनिधी):
एकीकडे महिलांवर होणाऱ्या अत्याचारांबाबत समाज संवेदनशील असताना, दुसरीकडे बनावट फिर्याद दाखल करून पोलिस यंत्रणेचा गैरवापर करणाऱ्या महिलेचा धक्कादायक प्रकार आटपाडी तालुक्यात समोर आला आहे.
दिपाली पांडुरंग पुकळे (वय ३०, रा. पुकळे वस्ती, झरे, ता. आटपाडी) हिने स्वतःहून खोट्या जबरी चोरीच्या दोन गुन्ह्यांची तक्रार पोलिस ठाण्यात दाखल केली होती. मात्र स्थानिक गुन्हे अन्वेषण शाखेच्या तपासातून ही बनावट फिर्याद असल्याचे निष्पन्न झाले असून सदर महिला पोलिसांच्या ताब्यात आहे.
गुन्ह्याची पार्श्वभूमी
दि. १३ सप्टेंबर २०२४ रोजी दिपाली पुकळे हिने आटपाडी पोलीस ठाण्यात जबरी चोरीची फिर्याद दाखल केली होती. तिने दावा केला होता की तिच्या घरातून अज्ञात व्यक्तींनी सोन्याचे व चांदीचे दागिने चोरले. यावरून पुढीलप्रमाणे दोन गुन्हे दाखल झाले:
गु.र. नं. ३६०/२०२४, भारतीय दंड संहिता कलम ३०९(६), ३(५)
गु.र. नं. १८४/२०२५, भारतीय दंड संहिता कलम ३०९(४), ३(५)
खऱ्याखोट्याचा उलगडा – पोलिसांचा तपास
पोलीस अधीक्षक मा. संदीप घुगे यांनी मालमत्तेच्या विरोधात होणाऱ्या गुन्ह्यांचा तपास करून सत्य बाहेर काढण्याचे आदेश स्थानिक गुन्हे अन्वेषण शाखेला दिले. या आदेशानंतर पोलीस निरीक्षक सतिश शिंदे यांच्या नेतृत्वाखाली एक पथक तयार करण्यात आले.
दि. ०१ जुलै २०२५ रोजी पथकातील पोहेका/उदय साळुंखे यांना खात्रीलायक माहिती मिळाली की सदर जबरी चोरीचे दोन्ही गुन्हे खरे नसून फिर्यादीनेच बनाव केला आहे. पोलिसांनी तत्काळ कारवाई करत महिलेकडे विचारपूस केली असता, तिने तिच्या आर्थिक अडचणींमुळे हे दागिने गहाण ठेवले असल्याची कबुली दिली.
मुद्देमाल व जप्ती
पोलिसांनी तिच्या समक्ष ▪️ सोन्याचे व चांदीचे दागिने – वजन: १६ ग्रॅम ▪️ एकूण किंमत: ₹1,61,100/- दागिने जप्त केले आहेत.
या प्रकरणाचा पुढील तपास आटपाडी पोलीस ठाण्याकडे वर्ग करण्यात आला आहे.
पोलिसांची उल्लेखनीय कामगिरी
या संपूर्ण कारवाईत खालील अधिकाऱ्यांनी सहभाग घेतला:
पोलीस अधीक्षक संदीप घुगे (मार्गदर्शन)
पो.नि. सतिश शिंदे – स्था. गु.अ. शाखा, सांगली
सहा. पो.नि. सिकंदर वर्धन
पोहेका उदय साळुंखे
पोहेका संजय पाटील, अतुल माने, हणमंत लोहार, शोभनाथ गुंडे, रणजित जाधव
पोकोन/सोमनाथ पतंगे, प्रमोद साखरपे, सुनील जाधव, अनिजीत ठाणेकर, सेहन घस्ते
खोट्या गुन्ह्यांची बनावट फिर्याद देणं हे केवळ कायद्याचा गैरवापरच नाही, तर इतर खऱ्या गुन्ह्यांचे गांभीर्य कमी करण्यासारखे आहे. पोलिसांनी अशा प्रकारांवर बारीक लक्ष ठेवून वेळीच कारवाई केली आहे, ही बाब उल्लेखनीय आहे.
