भारत-श्रीलंका यांच्या यजमानपदाखाली रंगणाऱ्या महिला वनडे वर्ल्ड कप २०२५ स्पर्धेला ३० सप्टेंबरपासून बंगळुरुच्या मैदानावर सुरुवात होणार आहे. भारतीय महिला संघाच्या सामन्याचे वेळापत्रक समोर आल्यानंतर क्रिकेट चाहत्यांसाठी एक मोठा आनंदाचा क्षण येणार आहे, कारण भारत-पाकिस्तान यांच्यातील हायहोल्टेज सामना ५ ऑक्टोबर रोजी श्रीलंकेतील कोलंबोच्या आर. प्रेमदासा स्टेडियमवर खेळवला जाणार आहे.
भारताच्या सामन्याचे वेळापत्रक
स्पर्धेतील भारतीय महिला संघाच्या सामन्यांचा वेळापत्रक पुढीलप्रमाणे आहे:
भारत विरुद्ध श्रीलंका – ३० सप्टेंबर, बंगळुरु
भारत विरुद्ध पाकिस्तान – ५ ऑक्टोबर, कोलंबो
भारत विरुद्ध दक्षिण आफ्रिका – ९ ऑक्टोबर, विशाखापट्टणम
भारत विरुद्ध ऑस्ट्रेलिया – १२ ऑक्टोबर, विशाखापट्टणम
भारत विरुद्ध इंग्लंड – १९ ऑक्टोबर, इंदुर
भारत विरुद्ध न्यूझीलंड – २३ ऑक्टोबर, गुवाहाटी
भारत विरुद्ध बांगलादेश – २६ ऑक्टोबर, बंगळुरु
स्पर्धेची सुरुवात ३० सप्टेंबरला बंगळुरुच्या एम. चिन्नास्वामी स्टेडियमवर भारत आणि श्रीलंका यांच्यातील लढतीने होईल. त्यानंतर, ५ ऑक्टोबरला भारत-पाकिस्तान यांच्यातील लढत कोलंबोच्या आर. प्रेमदासा स्टेडियमवर खेळवली जाईल. ऑस्ट्रेलियाचा संघ १ ऑक्टोबरला न्यूझीलंड विरुद्ध लढत घेईल, आणि पाकिस्तानचा संघ सर्व सामने कोलंबोच्या आर. प्रेमदासा स्टेडियमवर खेळणार आहे.
महिला वर्ल्ड कप २०२५ मध्ये एकूण २८ साखळी लढती होणार आहेत. या लढतींमध्ये भारतातील मैदानांवर (बंगळुरु, इंदुर, गुवाहाटी, विशाखापट्टणम) खेळवले जाणारे सामने आणि श्रीलंकेत कोलंबोच्या आर. प्रेमदासा स्टेडियमवर होणारे सामन्यांचा समावेश असेल. नॉकआउट लढतींमध्ये जर पाकिस्तानचा संघ उपांत्य फेरीत पोहचला, तर पहिला सामना २९ ऑक्टोबरला कोलंबोच्या मैदानावर खेळवला जाईल. फायनल सामना २ नोव्हेंबरला बंगळुरुच्या मैदानावर होणार आहे, पण जर पाकिस्तान संघ फायनलमध्ये पोहचला, तर तो सामना कोलंबोतील प्रेमदासा स्टेडियमवर खेळवला जाईल.
या वर्ल्ड कप स्पर्धेची एक विशेष बाब म्हणजे ती हायब्रिड मॉडेलवर आधारित आहे, ज्यामुळे पाकिस्तानी संघ सर्व सामने श्रीलंकेत खेळणार आहे. स्पर्धेतील तीन नॉकआउट लढतींव्दारे विजेत्याला ताज मिळवण्याची संधी मिळेल, आणि प्रत्येक सामन्याची प्रतिष्ठा अधिकच वाढलेली आहे.
