Eye Care Tips : आजच्या डिजिटल युगात आपल्या डोळ्यांवर खोलवर परिणाम होताना दिसत आहे. कारण दिवसभर स्क्रीनसमोर बसल्याने दृष्टी कमी होत जाते. त्याचबरोबर, अनहेल्दी पदार्थ, व्यस्त जीवनशैली, प्रदूषण हे देखील एक प्रकारे डोळ्यांची दृष्टी कमकुवत होण्यास एक मोठे कारण बनले आहे. आजकाल लहान मुलांपासून ते मोठ्यांपर्यंत सर्वांनाच डोळ्यांच्या कोणत्या ना कोणत्या समस्येचा सामना करावा लागत आहे, ज्यामुळे त्यांना चष्मा लावावा लागतो. काही लोकांना वाटते की डोळ्यांच्या चांगल्या दृष्टीसाठी फक्त चष्मा लावणे पुरेसे आहे.
चष्मा घालण्यासोबतच तुम्ही तुमच्या डोळ्यांचीही काळजी घेतली पाहिजे. जर आपण आपल्या डोळ्यांची योग्य काळजी घेतली तर दृष्टी सुधारू शकते. तुम्हाला अशा 5 गोष्टी सांगणार आहोत ज्या तुम्ही सकाळी उठल्याबरोबर केल्या पाहिजेत, ज्यामुळे तुम्हाला तुमच्या दृष्टीमध्ये फरक जाणवेल. तसेच या सवयींमुळे तुमच्या डोळ्यांची दृष्टी देखील वाढू शकते. सकाळी उठल्यावर डोळे निरोगी ठेवण्यासाठी कोणत्या 5 गोष्टी कराव्यात?
1. थंड पाण्याने डोळे धुवा
सकाळी उठताच प्रथम तुम्ही चेहरा न धुता थंड पाण्याने डोळे चांगले धुवा. हे डोळ्यांची सूज कमी करते, रक्ताभिसरण सुधारते आणि डोळे ताजेतवाने ठेवते. यामुळे तुमचे डोळे कोरडे पडत नाहीत.
2. सूर्याची पहिली किरणे घ्या
सूर्योदयाच्या वेळी (जेव्हा सूर्याची किरणे तीव्र नसतात), काही सेकंद सूर्याकडे पाहिल्याने डोळ्यांच्या स्नायूंना बळकटी मिळू शकते. लक्षात ठेवा की ही प्रक्रिया पूर्ण सूर्योदयापूर्वी फक्त 10-15 मिनिटे करावी.
3. त्राटक सराव
चर्तक सराव देखील डोळ्यांच्या दृष्टीकरिता फायदेशीर आहे. कारण त्राटक योगामध्ये एकाग्रता खूप महत्वाची असते. यामध्ये दिव्याच्या किंवा मेणबत्तीच्या ज्योतीवर किंवा बिंदूवर डोळे एकाग्र करून पापणी न मिचकवता पाहत राहणे. हा प्रकार तुम्हाला डोळ्यांची एकाग्रता वाढवण्यास, स्नायूंना बळकटी देण्यास आणि दृष्टी सुधारण्यास मदत करते.
4. डोळ्यांसाठी योगासने आणि व्यायाम
सकाळी उठल्याबरोबर काही डोळ्यांचे व्यायाम आणि योगा करूनही दृष्टी सुधारता येते. जसे की डोळ्यांवर हलक्या हाताने मसाज करणे, डोळे फिरवणे (डोळे वर-खाली, उजवी-डावीकडे हलवणे), डोळे मिचकावणे इत्यादी गोष्टी डोळ्यांच्या स्नायूंना सक्रिय करतात आणि ताण कमी करतात.
5. बदाम, साखर आणि बडीशेप यांचे सेवन
सकाळी रिकाम्या पोटी कोमट दुधासोबत १ चमचा बदाम, साखर आणि बडीशेप पावडर घेतल्याने दृष्टी सुधारते. आयुर्वेदात हे मिश्रण डोळ्यांसाठी खूप फायदेशीर मानले जाते. तुम्ही तुमच्या दिनचर्येत हे देखील समाविष्ट करू शकता.
( टीप : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
