मुंबई : मुख्यमंत्री उद्धव ठाकरे यांनी लॉकडाउनचा इशारा दिल्यानंतर विधानसभा विरोधी पक्षनेते देवेंद्र फडणवीस यांनी त्यांना सल्ला दिला आहे.फडणवीस यांनी ट्विट करत मुख्यमंत्र्यांनी इतर देशांनी जाहीर केलेल्या पॅकेजची आठवण करुन दिली आहे. तुलना केवळ परिस्थितीशी नको, सरकारच्या कृतीशीही व्हावी,एवढीच महाराष्ट्राच्या जनतेची अपेक्षा असल्याचंही ते यावेळी म्हणाले आहेत. तसंच आणि आमची पुन्हा तयारी आहे, रस्त्यावर उतरून पुन्हा लोकांना समजून सांगण्याची, त्यांच्या मदतीला धावून जाण्याची असा टोलाही लगावला आहे.
फ्रान्सने तिसर्यांदा लॉकडाऊन लावला. पण, 120 अब्ज डॉलर्सचे विविध उपाय हाती घेतले. हंगेरीत ‘वर्क फ्रॉम होम’ पण, युरोपियन युनियनमध्ये भांडून हक्काचा निधी पदरी पाडून घेतला. डेन्मार्कमध्येही तीच परिस्थिती. पण, एप्रिल 2020 मध्येच सर्वच घटकांना पॅकेज. ग्रीसमध्ये हळूहळू निर्बंध उठण्यास मदत. पण, 2,20,000 उद्योग आणि 6 लाखांवर कर्मचार्यांिना मदत करण्यात आली. इतकेच नाही तर वेतन न मिळणार्यांिना 800 युरोंपर्यंत मदत करण्यात आली.
बेल्जियमने परत लॉकडाऊन केला आहे. मात्र 20 बिलियन युरोचे पॅकेज जाहीर केलंय. पोर्तुगालने नागरिकांची ये-जा थांबविली आहे. पण, 13 बिलियन युरोचे पॅकेज मार्च 2020 मध्येच जाहीर केले. आयर्लंडमध्ये कडक निर्बंध आहेत. पण, 7.4 बिलियन युरोंचे पॅकेज ऑक्टोबरमध्येच दिले आहे. फिलिपाईन्समध्ये कडक निर्बंध आहेत. पण, 3.4 बिलियन डॉलर्सचे पॅकेज सप्टेंबरमध्येच दिलंय. युके,जर्मनी कुठेही जा,सर्वांनीच काही ना काही दिले आहे.
“तुलना केवळ परिस्थितीशी नको,सरकारच्या कृतीशीही व्हावी,एवढीच महाराष्ट्राच्या जनतेची अपेक्षा! विरोधक वा तज्ञांचा दु:स्वास करून नाही,तर आपण प्रत्यक्ष काय करतो,याचे प्रबोधनात्मक विवेचन कोरोना थांबविण्यात अधिक मदत करेल,” असा सल्ला फडणवीसांनी दिला आहे.
“होय, आम्ही तर गेल्या वर्षभरापासून रस्त्यावरच आहोत…आणि आमची पुन्हा तयारी आहे, रस्त्यावर उतरून पुन्हा लोकांना समजून सांगण्याची, त्यांच्या मदतीला धावून जाण्याची,” असंही ते म्हणाले आहेत.
Join Free Whatasapp माणदेश एक्स्प्रेस
