नवी दिल्ली : महाराष्ट्रानंतर देशातील अन्य राज्यांमध्येही कोरोना व्हायरसची परिस्थिती गंभीर होत आहे. त्या पार्श्वभूमीवर पंतप्रधान नरेंद्र मोदी यांच्या सोबत राज्यांच्या मुख्यमंत्र्यांची व्हर्च्युअल बैठक होणार आहे. या बैठकीमध्ये नव्या निर्बंधासह मोठे निर्णय होण्याची शक्यता आहे. पंतप्रधान मोदी या बैठकीत कोरोना व्हायरसचा प्रसार रोखण्यासाठी करण्यात येत असलेल्या उपयांची समीक्षा करण्याची केली जाईल. त्याचबरोबर लसीकरणाच्या पुढच्या टप्प्यामध्ये जास्तीत जास्त लाभार्थींना लस देण्याबाबत निर्णय होऊ शकतो.
महाराष्ट्रात मंगळवारी 17 हजारांपेक्षा जास्त कोरोनाचे नवे रुग्ण आढळले आहेत. त्यामुळे मुंबई महानगरालिकेनं पालिका शाळेतील शिक्षक आणि स्टाफला घरातून काम करण्याची सूचना दिली आहे. आजपासून रोटेशन पद्धतीने 50 टक्के उपस्थितीचा नियम लागू करण्याचा निर्णय देखील पालिकेनं घेतला आहे. राज्यातील कोरोना रुग्णांची एकूण संख्या 23 लाखांच्या पुढे गेली आहे. यामधील जवळपास 53 हजार जणांचा या महामारीत मृत्यू झाला आहे.
Join Free Whatasapp माणदेश एक्स्प्रेस
