नवी दिल्ली : केंद्रीय इलेक्ट्रॉनिक्स आणि आयटी मंत्रालयाच्या सूचनेनुसार ट्विटरनं 250 वापरकर्त्यांची अकाऊंटस ब्लॉक केली आहेत. मंत्रालयाचे म्हणणे होते की हे अकाउंट्स ३० जानेवारी रोजी #ModiPlanningFarmerGenocide हॅशटॅगचा वापर करत होते आणि खोटी, घाबरवणारी व भडकाऊ ट्विट करत होते.
जे ट्विटर अकाउंट्स ब्लॉक करण्यात आलेले आहेत त्यामध्ये, किसान एकता मोर्चा, द कारवान, मानिक गोयल, Tractor2twir आणि Jatt_junction साऱख्या अकाउंट्सचा समावेश आहे. असे देखील सांगितले जात आहे की, केंद्र सरकारने कृषी कायद्याविरोधात आंदोलन करणाऱ्या शेतकऱ्यांबाबत ट्विट करणाऱ्या या अकाउंट्सबाबत ट्विटरला कायदेशीर नोटीस पाठवली होती. या नंतर ट्विटर करून हे पाऊल उचलले गेले असल्याचे सांगितले जात आहे.
आयटी मंत्रालयाने या ट्विटर अकाउंट्सना आयटी अॅक्टच्या सेक्शन 69A अंतर्गत ब्लॉक करण्यास सांगितले होते. केंद्र सरकारच्या या निर्णयानंतर ट्विटर अशा अकाउंट्सच्या शोधात आहे, जे शेतकरी आंदोलनाबाबत अफवा पसरवणारे व भडकाऊ असे ट्विट करत आहेत.
Join Free Whatasapp माणदेश एक्स्प्रेस
