सोलापूर : सोलापूर महानगरपालिकेतील विरोधी पक्षनेते आणि नगरसेवक महेश कोठे हे शुक्रवारी राष्ट्रवादी काँग्रेसमध्ये प्रवेश करणार आहेत. शरद पवार यांच्या उपस्थितीत त्यांच्या पक्षप्रवेशाचा कार्यक्रम पार पडणार आहे. त्यामुळे आता या सगळ्यावर शिवसेना पक्षप्रमुख उद्धव ठाकरे कशाप्रकारे व्यक्त होणार, याकडे सर्वांचे लक्ष लागले आहे.
मात्र, सोलापुरात महेश कोठे बऱ्याच दिवसांपासून नाराज असल्याने तडजोड होण्याची शक्यता कमी आहे. आपल्या नेतृत्वाखाली सोलापुरात शिवसेनेची ताकद वाढली. मात्र, विधानसभा निवडणुकीत ऐनवेळी पत्ता कट झाल्यामुळे कोठे नाराज होते. त्यामुळे त्यांनी कोणत्याही परिस्थितीत राष्ट्रवादीत जायचे असा निर्धार केला आहे. त्यामुळे आता उद्धव ठाकरे महेश कोठे यांच्या राष्ट्रवादी प्रवेशाबाबत काय भूमिका घेणार, याकडे सर्वांचे लक्ष लागले आहे.
Join Free WhatasApp माणदेश एक्सप्रेस न्युज
