मुंबई : राष्ट्रवादी काँग्रेसचे नेते आणि सामाजिक न्यायमंत्री धनंजय मुंडे यांना दुसऱ्यांदा कोरोनाची लागण झाली आहे. मुंडे यांनी स्वत: ट्वीट करुन ही माहिती दिली आहे. याआधी जून 2020 मध्ये मुंडे यांची कोरोना चाचणी पॉझिटिव्ह आली होती. त्यानंतर त्यांच्यावर मुंबईतील ब्रीच कँडी रुग्णालयात उपचार करण्यात आले.
“माझी आज दुसऱ्यांदा कोरोना चाचणी पॉझिटिव्ह आली आहे.गेल्या काही दिवसात माझ्या संपर्कात आलेल्या सर्वांनी आपली तपासणी करून घ्यावी ही विनंती.मी डॉक्टरांच्या सल्ल्यानुसार काळजी घेत आहे. काळजी करण्यासारखं काही नाही.सर्वांनी मास्क वापरावा,सोशल डिस्टन्सचे पालन करावे व स्वतःची काळजी घ्यावी”, असं ट्वीट धनंजय मुंडे यांनी बुधवारी रात्री केले आहे.
Join Free Whatasapp माणदेश एक्स्प्रेस
