नवी दिल्ली : अभिनेता सैफ अली खानची ‘तांडव’ ही सीरिज सध्या वादाच्या भोवऱ्यात सापडली आहे. ‘तांडव’विरोधात सहा राज्यांमध्ये एफआयआर दाखल करण्यात आला आला. त्यामुळे ‘तांडव’च्या निर्मात्यांनी सर्वोच्च न्यायालयात याचिका दाखल केली होती. मात्र, सर्वोच्च न्यायालयानेदेखील ही याचिका फेटाळली आहे. तसंच या सीरिजशी संबंधित कोणत्याही कलाकाराला किंवा व्यक्तीला अटकेपासून सुरक्षा देण्यात येणार नाही असं सांगितलं आहे.
बुधवारी सर्वोच्च न्यायालयात ‘तांडव’ सीरिजच्या याचिकेवर सुनावणी करण्यात आली. या सुनावणीमध्ये सर्वोच्च न्यायालयाने सीरिजच्या निर्मात्यांना फटकारलं आहे. तसंच अभिनेता मोहम्मद झिशान अय्युब, अॅमेझॉन प्राइम व्हिडीओ आणि ‘तांडव’च्या मेकर्सना अटकेपासून सुरक्षा देण्याचं नाकारलं आहे. इतकंच नाही तर अटकपूर्व जामिनासाठी आणि एफआयआर रद्द करण्यासाठी उच्च न्यायालयात जाण्याचे आदेश दिले आहेत.
Join Free Whatasapp माणदेश एक्स्प्रेस
