नवी दिल्ली : मुख्यमंत्री आणि तृणमूल काँग्रेसच्या नेत्या ममता बॅनर्जी पंतप्रधान नरेंद्र मोदी आणि अमित शाह यांना लक्ष्य करत आहेत. पूर्व मदिनापूर येथे झालेल्या रॅलीत मोदींचं तोंड बघायचं नाहीये, अशी टीका ममतांनी केली. त्यावर मोदींविरुद्ध बोलणं म्हणजे भारतमातेविरुद्ध बोलणं, असं म्हणत भाजपा नेत्याने प्रत्युत्तर दिलं आहे.
आम्हाला पंतप्रधान मोदींचं तोंडही बघायचं नाही, असं म्हणत ममता बॅनर्जी यांनी आज पूर्व मदिनापूर येथे झालेल्या प्रचारसभेत टीका केली. ममतांनी केलेल्या टीकेला पूर्वाश्रमीचे ममता बॅनर्जी यांचे सहकारी आणि भाजपाचे नेते सुवेंदू अधिकारी यांनी प्रत्युत्तर दिलं आहे. “तुम्हाला कोरोनाविरुद्ध पंतप्रधान मोदींची लस घ्यावी लागेल. ते निवडून आलेले पंतप्रधान आहेत. त्यांच्याविरुद्ध बोलणं म्हणजे लोकशाहीविरुद्ध बोलणं आहे. त्यांच्याविरुद्ध बोलणं म्हणजे भारत मातेविरुद्ध बोलण्यासारखंच आहे. पाकिस्तान आणि बांगलादेशकडे लस नाहीये. त्यामुळे तुम्हाला मोदींचीच लस घ्यावी लागणार आहे,” अशी टीका सुवेंदू अधिकारी यांनी ममतांवर केली.
Join Free Whatasapp माणदेश एक्स्प्रेस
