मुंबई : ‘कुणीही हिंदू असो, तो देशभक्त आहे. हे त्याचा मूळ स्वभाव आणि चरित्र आहे. हिंदू कधीही भारतविरोधी असू शकत नाही,‘ असं भागवत म्हणाले होते. त्यावरून खासदार ओवैसी यांनी काही सवाल उपस्थित केले आहेत.
‘सेंटर फॉर पॉलसी स्टडीज’ या सामाजिक संशोधन केंद्रातर्फे जे. के. बजाज आणि एम. डी. श्रीनिवास या लेखकांनी लिहिलेल्या ‘मेकिंग ऑॅफ हिंदू पेट्रियट’ या पुस्तकाचे प्रकाशन भागवत यांच्या हस्ते झाले. यावेळी बोलताना भागवत यांनी हिंदू देशविरोधी असू शकत नाही, असं म्हटले आहे. त्याच विधानाचा हवाला देत ओवैसींनी भागवत यांना सवाल केले आहेत.
’भागवत उत्तर देणार का?, गांधींची हत्या करणारा गोडसेविषयी काय सांगाल? 1984 शीख विरोधी दंगल आणि 2002 गुजरात दंगलीला जबाबदार असणाऱ्या लोकांबद्दल काय बोलणार?,‘ असा सवाल ओवैसी यांनी उपस्थित केला आहे. बहुतेक भारतीय विश्वास न ठेवता देशभक्त आहेत, असं समजणं तर्कसंगत आहे. हे फक्त आरएसएसच्या अज्ञानी विचारधारेमध्ये आहे,‘ असेही ओवैसी म्हणाले.
Join Free Whatasapp माणदेश एक्सप्रेस
