मुंबई : नुकतेच शिवसेनेत पदार्पण केलेल्या आणि प्रसिध्द अभिनेत्री उर्मिला मातोंडकर यांना त्यांच्या पतीच्या धर्मावरुन ट्रोलर्सने लक्ष्य केलं. त्यावर उर्मिला मातोंडकर यांनीही ट्रोलर्सना चांगलेच सुनावले आहे. उर्मिला मातोंडकर यांच्या विकीपीडिया पेजवरही काही नमुन्यांनी आक्षेपार्ह बदल केले होते असं त्या म्हणाल्या.
उर्मिला मातोंडकर म्हणाल्या, ‘माझे पती मोहसीन अख्तर मीर यांच्याबद्दल सोशल मीडियावर उलट्या-सुलट्या अफवा पसरवल्या जात आहेत. मोहसिन यांना दहशतवादी आणि पाकिस्तानी म्हटलं गेलं. काही लोकांनी माझ्या विकीपिडीया पेजवर बदल केले होते. त्यात माझ्या आई-वडिलांचं नाव बदलण्यात आलं. आईचं नाव रुखसाना अहमद आणि वडिलांचं नाव शिविंदर सिंह असं करण्यात आलं होतं.’ त्यांच्या वडिलांचं खरं नाव श्रीकांत मातोंडकर आणि आईचं नाव सुनीता मातोंडकर आहे.
उर्मिला मातोंडकर यांचे पती मोहसिन अख्तर मीर यांचं 2016 मध्ये लग्न झालं होतं. ते काश्मिरी मुस्लीम आहेत आणि पेशाने मॉडेल आणि व्यावसायिक आहेत. त्यांच्या लग्नाची बरीच चर्च रंगली होती. तेव्हाही त्यांना ट्रोल करण्यात आलं होतं. आता उर्मिला राजकारणात सक्रीय झाल्यानंतर पुन्हा एकदा त्या दोघांना ट्रोल करण्यात येत आहे. उर्मिला मातोंडकर यांनी धर्मावर किंवा लग्नावरुन ट्रोल करणाऱ्या लोकांबद्दल संताप व्यक्त केला आहे.
Join Free WhatasApp माणदेश एक्सप्रेस न्युज
