मुंबई : अमरावतीच्या खासदार नवनीत राणा यांना अॅूसिड हल्ल्याची धमकी देण्यात आली आहे. याप्रकरणी राणा यांनी नवी दिल्लीतील नॉर्थ अव्हेन्यू पोलीस ठाण्यात तक्रार दाखल केली असून हे पत्र शिवसेनेच्या लेटरहेडवरून पाठवण्यात आल्याचं त्यांनी म्हटलं आहे.
१३ फेब्रुवारी २०२१ ची सोशल मीडियावर व्हायरल होत असलेली एफआयआरची प्रत आहे. राष्ट्रपतींच्या अभिभाषणावरील ८ फेब्रुवारीला माझ्या भाषणाविरोधात शिवसेनेचे लेटरहेड असलेले निनावी पत्र देऊन अपमान आणि शिवीगाळ करण्यात आली आहे. तसेच मला आणि माझ्या पतीला आठ दिवसांत जीवे मारण्याची आणि अॅसिड हल्ल्याची धमकी दिली गेल्याचे नवनीत कौर राणा यांनी तक्रारीत म्हटले आहे.
हे पत्र शिवसेना नेते संजय राऊत आणि शिवसेनेचे माजी खासदार आनंदराव आडसूळ यांनी पाठवले आहे. लोकशाहीसाठी असे शब्द मुळीच चांगले नाहीत. अश्लील शब्दांचा वापर आपल्यासंबंधी करून धमकी देणारे फोनही केले जात आहेत. कोणत्याही सामान्य स्त्रीविरूद्ध हा गंभीर गुन्हा असल्याचे नवनीत कौर राणा यांनी एफआयआरमध्ये म्हटले आहे.
Join Free Whatasapp माणदेश एक्स्प्रेस
