मुंबई : “कोरोनाचे विषाणू काय आपल्या पक्षाचे कार्यकर्ते नाहीत. ते कोणालाही सोडत नाहीत. याच्यापासून तुम्हाला त्रास आहे आणि तुमच्यामुळे इतरांनाही त्रास आहे. अजित पवारांनी त्यांच्या भाषेत सांगितलं आहे. आपण सामाजिक जीवनात असताना भान बाळगलं पाहिजे,” असं शिवसेना खासदार संजय राऊत म्हणाले आहेत.
२७ फेब्रुवारीला दादरमध्ये मनसेने आयोजित केलेल्या मराठी स्वाक्षरी मोहिमेसाठी अनेक मराठी कलाकारांनी हजेरी लावली होती. या कार्यक्रमाच्या ठिकाणी स्वाक्षरी मोहिमेच्या फलकावर एका पत्रकाराने राज यांना तुम्ही मास्क घातलं नाही असं प्रश्न विचारला. यावर राज यांनी “मी घालत पण नाही,” असं उत्तर दिलं. तसेच पुढे त्यांनी, “मी तुम्हालाही सांगतो,” असं म्हणत तिथून निघून गेले.
संजय राऊत यांनी यावेळी आपण मास्क न घातल्याने दंड भरला असल्याची माहिती दिली. “मी स्वत: दंड भरला आहे. दिल्लीत असताना गाडीत बसलो होतो तेव्हा माझा मास्क खाली आला होता. विमानतळासमोर माझी गाडी दोन पोलीस कर्मचाऱ्यांकडून अडवण्यात आली. माझे पीए सोमनाथ समोर बसले होते. त्यांनी काय झालं विचारलं असता तुमच्या साहेबांनी मास्क घातला नसल्याचं सांगितलं. सोमनाथ यांनी खासदारसाहेब असल्याचं सांगितल्यानंतर पोलिसानेही खासदारांनीच कायदा तयार केलं असल्याची सांगितलं. मी ताबडतबोत सोमनाथ यांना आपली चूक आहे, वाद घालायचा नाही. नियम आहे त्याप्रमाणे दंड भरायचा सांगितलं,” अशी माहिती संजय राऊत यांनी दिली.
Join Free Whatasapp माणदेश एक्स्प्रेस