सांगली : कोरोना लसीकरणाच्या पहिल्या टप्प्याचा शुभारंभ पालकमंत्री जयंत पाटील यांच्याहस्ते करण्यात आला. इस्लामपूर उपजिल्हा रुग्णालय येथील आरोग्य कर्मचारी गोरखनाथ चंदनशिवे यांना सिरमची कोव्हीशिल्ड ही पहिली लस देण्यात आली.
यावेळी खासदार धैर्यशिल माने, आमदार सदाभाऊ खोत, जिल्हाधिकारी डॉ. अभिजीत चौधरी, जिल्हा परिषदेचे मुख्य कार्यकारी अधिकारी जितेंद्र डुडी, जिल्हा परिषदेचे बांधकाम सभापती जगन्नाथ माळी, इस्लामपूर उपविभागीय अधिकारी नागेश पाटील, इस्लामपूर उपजिल्हा रुग्णालयाचे वैद्यकीय अधिक्षक डॉ. एम. आर. देशमुख, वैद्यकीय अधिक्षक डॉ. विक्रम कदम, वैद्यकीय अधिकारी डॉ. राणोजी शिंदे, डॉ. अशोक शेंडे आदी उपस्थित होते.
कोरोनाची प्रथम लस घेणारे गोरखनाथ चंदनशिवे मनोगत व्यक्त करताना म्हणाले, कोरोनाची कोव्हिशिल्ड ही लस पुर्णपणे सुरक्षीत असून मला कोणताही त्रास जाणवला नाही. कोरोना लस घेऊन कोरोना मुक्त व्हावे. आपण सुरक्षित तर आपला देश सुरक्षित असे ते म्हणाले.
कोरोना लस घेणाऱ्या वैद्यकीय अधिकारी डॉ पल्लवी जाधव म्हणाल्या, कोरोनाचा समुळ नाश करण्यासाठी कोरोना लस घेणे आवश्यक आहे. मी ही लस घेतली असून या लसीचे कुठलेही दुष्परिणाम नाहीत. ही लस पुर्णपणे सुरक्षित आहे. त्यामुळे कोरोना लसीकरण करुन घ्यावे असे आवाहन मी करीत आहे.
Join Free Whatasup Group माणदेश एक्सप्रेस
