पुणे : पुण्यामध्ये लॉकडाऊन लागू करण्यात आला नसून कडक निर्बंध आणले जाणार आहेत.विभागीय आयुक्तांनी अशी माहिती दिली आहे की 31 मार्चपर्यंत शाळा बंद राहणार आहेत. दहावी आणि बारावीच्या विद्यार्थ्यांना यातून सवलत देण्यात आली आहे. पालकमंत्र्यांबरोबरच्या बैठकीत हे निर्बंध निश्चित करण्यात आल्याची माहिती त्यांनी दिली. या निर्बंधांनुसार, हॉटेल्स आणि रेस्टॉरंट रात्री 10 वाजता बंद करण्यात येतील शिवाय एकूण ते क्षमतेच्या 50 टक्के ग्राहकांनाच त्यांची सेवा देऊ शकतात. याठिकाणाहून पार्सल सेवा 11 पर्यंत सुरू राहणार आहे. शुक्रवारी 12 मार्च 2021 म्हणजेच आज रात्रीपासून हे कडक निर्बंध लागू करण्यात आले आहेत.
पुण्यात रात्री 11 ते सकाळी 6 पर्यंत संचार निर्बंध लागू राहणार आहेत. विविध ठिकाणच्या बागा संध्याकाळी बंद राहणार आहेत. कुठल्याही कौटुंबिक कार्यक्रमात 50 पेक्षा जास्त जण सहभागी होऊ शकत नाही, अशीही माहिती विभागीय आयुक्तांनी दिली आहे.
मॉल्स आणि सिनेमागृह रात्री दहा वाजताच बंद होणार आहेत. शिवाय टपरी किंवा सार्वजनिक रस्त्यावर पाचपेक्षा अधिक लोकांना उभं राहता येणार नाही आहे, तसंच सोसायटीतील क्लब हाउस देखील बंद करण्यात आले आहेत. लायब्ररीमध्ये देखील 50 टक्के क्षमतेने लोकांना जाता येणार आहे. या दरम्यान ऑफिसेमधील कामकाज त्यांच्या वेळेनुसार सुरू राहणार आहे.
Join Free Whatasapp माणदेश एक्स्प्रेस
