आटपाडी : आटपाडी तालुक्यामध्ये झालेल्या घरफोडी प्रकरणाचा तपास लागला असून घरफोडी करणारा आरोपी देवगण ऊर्फ देव्या बापु पवार (रा. आटपाडी) यास सांगलीच्या स्थानिक गुन्हे अन्वेषण विभागाने सापळा रचून जेरबंद करण्यात केले असून या आरोपीकडून २ लाख ८९ हजार ६८० रुपये किमतीचे सोन्या-चांदीचे दागिने जप्त करण्यात आले आहेत.
याबाबत अधिक माहिती अशी की, सोने चांदीचे चोरलेले दागिने विक्री करण्यासाठी आटपाडी येथील बायपास रस्त्यावर असलेल्या हॉटेल दुर्गाप्रसाद जवळ येणार असल्याची बातमी पोलिसांना मिळाली होती. या बातमीप्रमाणे पोलीस उपनिरीक्षक दिलीप ढेरे व पथकाने छापा मारून देवगण ऊर्फ देव्या बापु पवार रा. सरकारी दवाखान्या पाठीमागे आटपाडी यास सोन्या-चांदीचे दागिन्यासह ताब्यात घेतले.
याबाबत फिर्यादी बाबु हणमंत जाधव रा. राजेवाडी यांचे अदिती ज्वलर्स, दिघंचीचे सराफी दुकान, वसंत विष्णु जाधव रा. आबानगर चौक आटपाडी यांचे राहते घराचे कुलूप तोडून चोरी, सौ मनिषा उत्तम सरगर रा. कोर्टाचे समोर आटपाडी मुळ रा. तळेवाडी यांचे राहते घरातील चोरी, सौ. अरूणा अनिल वेदपाठक रा. दिघंची यांचे बंद घरातील चोरी, श्री. भारत पांडुरंग ठेंगले रा. आटपाडी यांचे बंद घराचे चोरी, श्रीमती शोभा मल्लाप्पा राचगोंड रा. विद्यानगर आटपाडी यांनी आटपाडी पोलीस ठाण्यात गुन्हे दाखल केले होते.
संशयित आरोपी देवगण पवार व त्याचे साथीदारांनी आटपाडी व दिघंची परिसरात बंद घरावरती पाळत ठेवुन रात्रीच्या वेळी चोऱ्या केल्या आहेत. तसेच देवगण पवार व त्याचे ७ साथीदारांनी सोलापुर जिल्हयात माळशीरस पोलीस ठाणे हद्दीत दिनांक १९ जानेवारी २०२१ रोजी रात्री १० वा चे सुमारास पिलीव घाटात एसटी बस लुटण्याचे उद्देशाने मोटरसायकल वरून येऊन दगडफेक करत बस लुटण्याचा प्रयत्न केला. यात तीन प्रवासी जखमी झाले होते. तसेच बसचे नुकसान केले आहे. यात देवगण पवार हा गुन्हा केले पासुन फरारी होता. या आरोपीकडून आणखी काही गुन्हे उघडकीस येण्याची शक्यता असल्याचे सांगण्यात येत आहे. ही कारवाई स्थानिक गुन्हे अन्वेषण विभागाचे पोलीस निरीक्षक सर्जेराव गायकवाड यांच्या नेतृत्वाखाली करण्यात आली.
Join Free Whatasapp माणदेश एक्सप्रेस
Join Free Telegram माणदेश एक्सप्रेस
