कल्याण : भाजपच्या महिला अध्यक्षा रेखा जाधव यांनी 18 महिन्यात पैसे दुप्पट करून दिल्याचं काही महिलांना आमिष दाखवलं होतं. या प्रकरणी आता रेखा जाधव यांच्यासह चार जणांविरुद्ध गुन्हा दाखल करण्यात आला आहे.
कल्याणमधील गौरीपाडा परिसरात रहिवासी चंद्रप्रभा ढगले यांनी या प्रकरणी कल्याण शहरातील महात्मा फुले पोलिस स्टेशनमध्ये तक्रार दिली आहे. 18 महिन्यात पैसे दामदुप्पट करून देण्याचा आमिष दाखवून रेखा जाधव यांच्यासह त्यांच्या साथिदारांनी आर्थिक फसवणूक केल्याचा आरोप या महिलेनं केला आहे. या प्रकरणी श्रीकांत राव, संदीप सानप, रेखा जाधव आणि सुनील आव्हाड या चौघांविरोधात फसवणूकीचा गुन्हा दाखल करण्यात आला आहे.
रेखा जाधव यांच्या साथिदारांनी काही महिलांकडून एक कोटी 70 लाख रुपयांना चूना लावला. मात्र, मुदत पूर्ण झाल्यानंतर महिलांनी रेखा जाधव यांनी पैशाची मागणी केली असता. त्या उडवा उडवीची उत्तर देत होत्या. दरम्यान, तब्बल पाच वर्षांपासून हे प्रकरण प्रलंबित होतं. महिलांनी याबाबत माझ्याकडे कैफियत मांडली होती. त्यानुसार गृहमंत्र्याकडे या प्रकरणी पाठपुरावा केल्याचं राष्ट्रवादी काँग्रेस पक्षाचे प्रवक्ते विकास लवांडे यांनी सांगितलं. भाजप नेत्याकडून सर्वसामान्यांची आर्थिक लूट केली जात आहे, ही बाब अत्यंत दुर्दैवी असल्याचं विकास लवांडे यांनी सांगितलं आहे.
Join Free WhatasApp माणदेश एक्सप्रेस न्युज
