VIDEO : दोन पोलीस रस्त्यातच भिडले ; एकमेकांना काठी,लाथा बुक्यांनी मारहाण ; व्हिडीओ व्हायरल
पोलिसच जर नियम तोडत असतील तर काय करायचं? असा प्रश्न तुम्हाला सगळ्यांना पडतो. पोलिसच कायदे पाळत नसतील तर सामान्य जनतेने काय ठेका घेतला आहे काय? असा सवाल नेहमी पडतो. सध्या दोन पोलीस एकमेकांना लाठ्या, काठ्यांनी तसेच लाथानुक्यानी मारहाण केल्याचा व्हिडीओ सध्या सोशल मीडियावर व्हायरल होत आहे.
कायदा सुव्यस्था राखण्याचं काम करणारे पोलीस भररस्त्यात भिडल्याची घटना समोर आली आहे. बिहार पोलीस दलातील कर्मचाऱ्यांचा हा व्हिडीओ आहे. पोलीस कर्मचाऱ्यांमध्ये ही मारहाण झाली आहे.आधी धक्काबुक्की आणि नंतर लाथा-बुक्क्या आणि काठीने दोघांनी एकमेकांवर हल्ला केला आहे.
या व्हिडीओमध्ये तुम्ही पाहू शकता की, एक पोलीस दुसऱ्या पोलीस कर्मचाऱ्यावर पैसे घेतल्याचा आरोप करत आहे. अवैध पैसे वसुलीच्या कारणावरुन दोघांमध्ये जोरदार हाणामारी झाली आहे. उपस्थित नागरिकांनी दोन्ही पोलिसांची समजूत काढण्याचा प्रयत्न केला, मात्र ते कुणाचंही ऐकण्याच्या मनस्थितीत नव्हते. व्हिडीओ व्हायरल झाल्यानंतर पोलीस अधीक्षकांनी सांगितले की, दोन्ही पोलिसांच्या कृत्याने पोलिसांची प्रतिमा डागाळली आहे. या दोन्ही पोलिस कर्मचाऱ्यांना निलंबित करून विभागीय कारवाई करण्यात येणार असल्याची माहिती आहे.
