सोशल मीडियावर कधी काय व्हायरल होईल. हे कुणीचं सांगू शकत नाही. दररोज निरनिराळ्या गोष्टी लोकांचं मनोरंजन करतात. प्राण्याचे तर अनेक मजेशीर, विचित्र, भयानक व्हिडीओ पहायला मिळतात. अशातच यामध्ये आणखी एका व्हिडीओची भर पडली.
यात अनेक व्हिडिओ मजेशीर असतात. तर काही व्हिडीओ असे असतात जे थेट काळजाला भिडतात. असाच एक व्हिडीओ समोर आला आहे. जो पाहून अनेकजण भारावून गेले आहेत. या व्हिडीओमध्ये मंत्रमुग्ध करणारं भजन ऐकून हरीणही चिमुकल्यांसह तल्लीन झाले.
भक्ती संगीत ऐकल्याशिवाय आजही अनेकांचा दिवस सुरू होत नाही. ग्रामीण भागात आजही सकाळच्या प्रहरी रेडिओवर भक्ती संगीत ऐकू येत असते. अनेक जण भजनात तल्लीन होतात.
मात्र तुम्ही कधी हरणाला भजनात मंत्रमुग्ध झालेलं पाहिलंय का. या व्हिडीओमध्ये तुम्ही पाहू शकता चक्क हरीण हिरपाठामध्ये आनंदाने पावली खेळत नाचत बागडत आहे. आजूबाजूला लहान मोठी मुलं भजनाच्या तालावर नाचताना पाहून हे हरीणही भजनात तल्लीन झालं आहे.
