रितेश देशमुखने केले बायकोचे तोंडभरुन कौतुक! यावर जिनिलिया ची प्रतिक्रिया; व्हिडीओ पहा
कलाक्षेत्रामधील बहुचर्चित जोडप्यांपैकी एक जोडपं म्हणजे रितेश देशमुख व जिनिलिया देशमुख. रितेश व जिनिलियाची खऱ्या आयुष्यातील केमिस्ट्रीही कमालीची आहे. दोघंही सोशल मीडियाद्वारे विविध रिल व्हिडीओ शेअर करत चाहत्यांचं मनोरंजन करताना दिसतात.
इतकंच नव्हे तर एकमेकांवर असलेलं प्रेम अगदी खुलेपणाने व्यक्तही करतात. असाच एक व्हिडीओ रितेशने त्याच्या इन्स्टाग्राम अकाऊंटद्वारे शेअर केला आहे. त्याचीच सध्या सोशल मीडियावर जोरदार चर्चा रंगत आहे.
रितेश व जिनिलिया त्यांच्या खासगी आयुष्याबाबत खुलेपणाने व्यक्त होताना दिसतात. दोघंही शेअर करत असलेल्या व्हिडीओ व फोटोंमधून रितेश व जिनिलिया उत्तम पालक आहेत हे दिसूनही येतं. रितेशने शेअर केलेल्या व्हिडीओमध्ये जिनिलिया दोन्ही मुलांची उत्तम काळजी घेताना दिसत आहे. तसेच तिचा हसरा चेहरा विशेष लक्ष वेधून घेणारा आहे.
जिनिलिया मुलांना उत्तम सांभाळत आहे, मनमोकळेपणाने हसत आहे हे पाहून रितेशने तिच्यासाठी खास पोस्ट लिहिली आहे. रितेशने म्हटलं की, “तुम्हाला मिळणारे आशिर्वादही कधीकधी तुम्हाला मोजावे लागतात. कारण तुमचा जोडीदारच तुमचा मित्रही असतो”. रितेशने जिनिलियावरचं प्रेम या पोस्टद्वारे व्यक्त केलं आहे.
