मतदार ओळखपत्र आधारशी लिंक केलं नाही? कधी अडचण काही ! सरकारने मुदत वाढवली
मतदार ओळखपत्र आणि आधार कार्ड लिंक करण्याची मुदत वाढवली आहे. त्यामुळे आधार धारकांना मोठा दिलासा मिळाला आहे. सरकारने जारी केलेल्या अधिसूचनेमध्ये आता ही सुविधा पुढील वर्षापर्यंत कायम राहणार असून, कोणत्याही कार्डधारकाने मतदार ओळखपत्र आणि आधार लिंक केलेले नसल्यास त्याच्यावर कोणतीही कारवाई केली जाणार नाही.
सरकारने अधिसूचना जारी करून म्हटले आहे की, आतापर्यंत मतदार ओळखपत्र आणि आधार लिंक करण्याची अंतिम तारीख १ एप्रिल २०२३ होती, जी आता ३१ मार्च २०२४ पर्यंत वाढवण्यात आली आहे. म्हणजेच आधार कार्डधारकांना हे काम पूर्ण करण्यासाठी 1 पूर्ण वर्षाचा अतिरिक्त कालावधी देण्यात आला आहे. जर कोणी आधार कार्ड आणि मतदार ओळखपत्र एकमेकांना जोडले नाही तर त्याच्यावर कोणतीही कारवाई केली जाणार नाही. मात्र, निवडणूक आयोगाने दोन्ही कार्ड लिंक करण्याचे अनेक फायदेही सांगितले आहेत. आयोगाचे म्हणणे आहे की, यामुळे योग्य मतदाराची ओळख आणि एकाच लोकसभा मतदारसंघात एकाच नावाने दोन नोंदणी करणे टाळता येऊ शकते.
मतदार ओळखपत्र आणि आधार कार्ड लिंकिंग ऑनलाइन आणि ऑफलाइन दोन्ही पद्धतीने करता येते. आपण मोबाइलवरून मेसेज पाठवून किंवा कॉल करून देखील मतदार कार्ड आणि आधार लिंकिंगचे काम पूर्ण करू शकता. एसएमएसद्वारे लिंक करण्यासाठी तुमचे आधार आणि मतदार ओळखपत्र क्रमांक १६६ किंवा ५१९६९ या नंबरवर एसएमएस करा. यासाठी ECILINK या फॉरमॅटमध्ये मेसेज पाठवावा लागेल. तुम्हाला हवे असल्यास तुम्ही सकाळी १० ते संध्याकाळी ५ वाजेपर्यंत १९५० क्रमांकावर कॉल करून तुमचा मतदार ओळखपत्र आणि आधार क्रमांक सांगून लिंक करू शकता.
