मुंबई : पुण्याच्या माजी पोलीस आयुक्त रश्मी शुक्ला यांची फोन टॅपिंग प्रकरणी पुन्हा एकदा नव्याने चौकशी करण्याचे आदेश पुणे सत्र न्यायालयाने दिले आहेत. तसेच पुणे पोलिसांनी क्लोजर रिपोर्ट सादर करताना न्यायालयात जमा केलेली कागदपपत्रे पुन्हा तपास अधिकाऱ्याकडे सोपवण्याचे आदेशही न्यायालयाने दिले आहेत.
माहितीनुसार, रश्मी शुक्ला यांनी आम्हाला फोन टॅपिंग करायला लावल्याचं म्हटलं आहे. मार्च 2016 ते जुलै 2018 दरम्यान फोन टॅपिंग करण्यात आले होते. राज्यातील मोठ्या नेत्यांचे फोन टॅप करण्याचे प्रकरण उघडकीस आल्याने खळबळ उडली होती.
दरम्यान, फोन टँपिंग प्रकरणाची नव्याने चौकशी होणार असल्याने रश्मी शुक्ला यांना हा मोठा धक्का मानला जात आहे.
